आय.टी.एफ. लंडन या बहुराष्ट्रीय संघाच्या शिष्टमंडळाची जेएनपीए बंदराला भेट !

 आय.टी.एफ. लंडन या बहुराष्ट्रीय संघाच्या शिष्टमंडळाची जेएनपीए बंदराला भेट !




उरण दि १६(विठ्ठल ममताबादे )इंटरनॅशनल ट्रान्सपोर्ट वर्कर्स फेडेरेशन लंडन ( आयटीएफ ) या बहुराष्ट्रीय संघाच्या भारतीय संलग्न संघटनांच्या प्रतिनिधिंसोबत दोन दिवसीय परिषदेचे आयोजन एबेंसेडेर हॉटेल मुंबई येथे करण्यात आले होते. या परिषदेसाठी पॅट्रीक, एनरिको (लंडन )तसेच जेन्स व चेकर (स्विडन) राजेंद्र गिरी( दिल्ली )हे आयटीएफ चे प्रतिनिधी उपस्थित होते. न्यू मॅरिटाईम अँड जनरल कामगार संघटनेचे अध्यक्ष तथा आयटीएफ या बहुराष्ट्रीय संघाच्या लॉजिस्टिक्स् सेक्टरचे व्हाईस चेअरमन कामगार नेते महेंद्रशेठ घरत यांच्या उपस्थितीत या परिषदेचे उद्घाटन करण्यात आले. या परिषदेसाठी देशभरातून दहा आयटीएफ संलग्न संघटनांच्या प्रतिनिधींनी भाग घेतला. या परिषदेत जगभरातील कामगारांचे प्रश्न व समस्या यावर चर्चा झाली.दोन दिवसीय परिषदेनंतर परदेशी पाहुण्यांनी कामगार नेते महेंद्रशेठ घरत यांच्या शेलघर निवास स्थानी भेट दिली.  कामगार नेते महेंद्रशेठ घरत यांनी पाहुण्यांचा यथोचित केलेला पाहुणचार व सन्मानाने विदेशी पाहुणे भारावून गेले.त्यानंतर शिष्टमंडळाने कामगार नेते महेंद्रशेठ घरत यांच्या नेतृत्वात जेएनपीए बंदराला भेट दिली. प्रथम जेएनपीए प्रशासकीय इमारतीत प्रबंधक मनीषा जाधव व त्यांच्या सहकाऱ्यांनी ध्वनीचित्रफिती द्वारे कार्यप्रणालीची माहिती दिली व पाहुण्यांचे भेटवस्तू देवून आदरातीथ्य  केले. नंतर शिष्टमंडळाने जेएनपीएच्या कार्यप्रणालीची प्रत्यक्ष पहाणी केली. यावेळी न्यू मॅरिटाईम अँड जनरल कामगार संघटनेचे अध्यक्ष कामगार नेते महेंद्रशेठ घरत व त्यांचे सहकारी सोबत होते.


Popular posts
क्रिकेट सामन्यांचे शेकाप नेते प्रीतम म्हात्रे यांच्या हस्ते उद्घाटन
Image
प्रवेशद्वाराचे शेकाप नेते प्रीतम म्हात्रे यांच्या हस्ते भूमिपूजन
Image
मेडिकवर हॉस्पिटलमध्ये मिट्राक्लिप प्रक्रियेनंतर ७८ वर्षीय रुग्णाच्या हृदयविकारावर यशस्वी उपचार
Image
पनवेल युवा चे संपादक निलेश सोनावणे याना मुंबई विद्यापीठाचे मा कुलगुरू तथा मा खासदार डॉ भालचंद्र मुणगेकर यांच्या हस्ते साने गुरुजी राष्ट्र प्रेरणा पुरस्कार प्रदान
Image
जितेंद्र म्हात्रेंना राष्ट्रपती पोलीस पदक जाहीर!पनवेल तालुका पोलीस ठाण्यात कर्तव्यावर
Image