जखमी अजगरांना जीवनदान!

 जखमी अजगरांना जीवनदान!

अलिबाग, ता. १८ : अलिबाग नजीकच्या चेहेर आणि मानी-भुते ह्या गावातून एक ८ फूट तर एक ९ फूट अश्या दोन अजगारांची सुटका करण्यात आली.

चेहेर,वाघुलवाडी येथील ग्रामस्थांकडून एक अजगर जाळ्यामध्ये अडकल्याची माहिती मिळताच WWA(वाइल्ड लाइफ वॉरियर्स ऑफ अलिबाग) च्या कार्यकर्त्यांनी घटनास्थळी धाव घेतली व अजगराची सुखरूप सुटका केली.

काहीच दिवसात मानी-भुते येथून तश्याच स्थितीतून आणखी एका अजगाराची सुटका करण्यात संस्थेच्या कार्यकर्त्यांना यश आले.

दोन्ही अजगर जाळ्यात अडकल्यामुळे गंभीर जखमी झाले होते, त्यांच्या वर योग्य ते औषधोपचार करण्यात आले, ह्यासाठी RESQ, पुणे ह्या संस्थेची मोलाची मदत झाली. निरोगी व सशक्त झालेल्या अजगरांना स्थानिक वनखात्याच्या सहाय्याने नजीकच्या जंगलात सोडण्यात आले.

सदर प्रक्रियेमध्ये WWA च्या डॉ. प्रसाद दाभोळकर, साईराज झावरे, आसिफ मलिक, अविनाश थळे, संदीप घरत ह्यांनी विशेष मेहनत घेतली तसेच इतर सक्रिय  कार्यकर्त्यांनी मोलाची भूमिका निभावली.