सिडकोकडून होणाऱ्या दुषित पाण्यामुळे नागरिकांना उलटी आणि जुलाबाचा त्रास-समीर कदम
खारघर (प्रतिनिधी)-खारघर सेक्टर-१६ व १७ मधील वास्तुविहार तसेच सेलिब्रेशन या गृहसंकुलांना गेल्या काही दिवसांपासून सिडकोकडून दुषित पाण्याचा पुरवठा केला जात असून परिसरातील नागरिकांना उलटी आणि जुलाबाचा त्रास होत असून अनेक जेष्ट नागरिक व लहान मुले दवाखान्यात अॕडमीट आहेत.अशा परिस्थितीत सिडकोने सदर पाण्याचे नमुने गोळा करून परिक्षणासाठी प्रयोगशाळेत पाठवावेत आणि नागरिकांच्या आरोग्यास हानिकारक ठरेल असा पाणीपुरवठा करणे बंद करावे.आन्यथा सिडको विरोधात उग्र आंदोलन करू असा इशारा भारतीय जनता पार्टी रायगड जिल्ह्याचे मा.सरचिटणीस समीर कदम यांनी सिडकोचे पाणीपुरवठा विभागाचे अधिकारी राहुल सरोदे यांना निवेदनाद्वारे दीला आहे.
