पनवेल उपविभागातील पोलीस पाटील पद भरतीसाठी महिला आरक्षणाची सोडत दि.19 जुलै रोजी पनवेल येथे
*अलिबाग, दि.11 (जिमाका):-* पनवेल उपविभागातील रिक्त असलेली पोलीस पाटील ही पदे भरण्यासाठी कालबद्ध कार्यक्रम ठरवून दिलेला असून या कार्यक्रमाच्या अनुषंगाने पोलीस पाटील पद भरतीसाठी दि.16 ऑक्टोबर 2008 रोजीच्या शासन निर्णयानुसार गावनिहाय आरक्षण निश्चित केलेले आहे. प्रत्येक प्रवर्गासाठी ठरविण्यात आलेल्या पदांमधून त्या त्या प्रवर्गातून 30 टक्के महिला आरक्षणासाठी सोडत काढणे आवश्यक आहे.
या महिला आरक्षणाची सोडत दि.19 जुलै 2022 रोजी सकाळी 11 वाजता मीटिंग हॉल, तालुका क्रीडा संकुल, साईनगर, पनवेल येथे पनवेल व उरण तालुक्यांची सोडत एकत्र काढण्यात येणार आहे.
तरी इच्छुकांनी दि.19 जुलै 2022 रोजी नियोजित ठिकाणी उपस्थित राहावे, असे आवाहन पनवेल उपविभागीय अधिकारी तथा उपविभागीय दंडाधिकारी श्री.राहुल मुंडके यांनी केले आहे.
