बंद असलेल्या सोनबा येलवे पाणपोईची विरोधी पक्षनेते प्रितम म्हात्रे यानी केली पाहणी, सुरू करण्याची केली मागणी

नवीन पनवेल : गेल्या काही दिवसापासून पनवेल एसटी डेपो समोरील पनवेल महानगरपालिकेची सोनबा येलवे पाणपोई बंद आहे. त्यामुळे या ठिकाणी नागरिकांना सद्याच्या वाढत्या तापमानामुळे नाईलाजास्तव पाणी विकत घेऊन प्यावे लागत आहे. या ठिकाणी संबंधित विभागातील अधिकारी अविनाश पाटील यांना बोलावून विरोधी पक्षनेते प्रितम म्हात्रे यानी पाणपोईची पाहणी केली.

यावेली प्रितम म्हात्रे यानी पाणपोईचे तुटलेले नळ त्वरित बदलण्यास सांगितले, पाणी साठवण करण्यासाठी स्टोरेज टँक नसल्यामुळे नळाला सतत पाणी येत नसल्याने ताबडतोब स्टोरेज टाकी बसविण्याच्या सूचना केल्या. तसेच या ठिकाणी अस्वच्छता ही दिसत आहे ती त्वरित स्वच्छ करण्यास सांगितली. सदर पाणपोई स्वच्छ करून तेथील ड्रेनेजचे पाणी निचरा होण्यासाठीची पाईपलाईन सुद्धा बदलण्यासाठी विरोधी पक्षनेते प्रितम म्हात्रे यानी सांगितले.

अचानकपणे पनवेल एसटी स्टँड समोरिल पाणपोईला विजिट देऊन पाणपोईची समस्या प्रितम म्हात्रे यांनी निकाली काढली आहे. पुढील दोन-तीन दिवसातच पाणपोई सुरळीत सुरु होईल,जर पालिकेने केले नाही तर स्वखर्चाने आम्ही आमच्या जे.एम. म्हात्रे चॅरिटेबल संस्थेच्या माध्यमातून नागरिकांची समस्या निवारण करू असे प्रितम दादांनी सांगितले आहे.