तरुणी बेपत्ता
पनवेल दि.२२ (वार्ताहर) : एक १९ वर्षे मुलगी ही तिच्या लहान बहिणीस शाळेतून घेवून येण्याच्या बहाण्याने राहत्या घरातून बाहेर पडून लहान बहिणीच्या शाळेसमोरून कोणास काही न सांगता स्वतहून निघून गेल्याने याबाबतची तक्रार तिच्या कुटुंबियाने कळंबोली पोलिस ठाण्यात दिली आहे.
कु. प्रतिभा राजेश कुशवाह (वय १९, राहणार - सेक्टर-१, कळंबोली) असे या मुलीचे नाव असून तिचा रंग सावळा, उंची ५ फुट, बांधा-सडपातळ, केस काळे व लांब कंबरेपर्यंत, डोळे काळे, चेहरा उमट, पेहराव गुलाबी रंगाचा कुर्ता, निळ्या रंगाची जिन्स पॅन्ट, व काळ्या रंगाची ओढणी, नाकात नथणी घातलेली आहे, पायात चप्पल, ओळखीचे चिन्ह डाव्या हाताच्या मनगटावर जुना कापल्याचा व्रण आहे. तिला मराठी, हिंदी बोलता येते. या मुलीबाबत कोणाला अधिक माहिती असल्यास कळंबोली पोलिस ठाणे किंवा पो.ना. किशोर म्हात्रे यांच्याशी संपर्क साधावा.
