पक्ष संघटनेने दिलेली जबाबदारी यशस्वीपणे पार पाडा- आमदार प्रशांत ठाकूर
यावेळी आमदार प्रशांत ठाकूर यांनी बोलताना सांगितले कि, भारतीय जनता पार्टी सध्या संपूर्ण देशभरात पक्ष संघटनात्मक बळकटीसाठी मंडल अध्यक्षांच्या नियुक्त्या करत आहे. ही प्रक्रिया विविध राज्यांमध्ये वेगवेगळ्या टप्प्यांमध्ये सुरू आहे. त्याप्रमाणे भाजपने मंडल आणि जिल्हा अध्यक्षांच्या नियुक्तीसाठी वयमर्यादा निश्चित केली आहे. मंडल अध्यक्षांसाठी वयमर्यादा ३५ ते ४५ वर्षे, तर जिल्हाध्यक्षांसाठी ४५ ते ६० वर्षे निश्चित करण्यात आली आहे. ही पावले पक्षात तरुण नेतृत्वाला प्रोत्साहन देण्यासाठी आणि संघटनात्मक कार्यक्षमता वाढवण्यासाठी उचलण्यात आली आहेत. त्या अनुषंगाने तालुका मंडल अध्यक्षांच्या नियुक्त्या जाहीर करण्यात आल्या आहेत. देशाचे पंतप्रधान नरेंद्र मोदी, राष्ट्रीय अध्यक्ष जे. पी. नड्डा, केंद्रीय गृहमंत्री अमित शहा, राज्याचे मुख्यमंत्री देवेंद्र फडणवीस, प्रदेशाध्यक्ष चंद्रशेखर बावनकुळे, कार्यकारी अध्यक्ष रवींद्र चव्हाण यांनी पक्ष संघटनेला बळ देण्याचे काम केले आहे. काल राज्यात एकाच वेळेला आठशेपेक्षा जास्त मंडल अध्यक्षाची नियुक्ती झाली आहे. हि सर्व तरुण टीम जोडली गेली आहे. आपला पक्ष अधिकाधिक ताकदवान होत चालला आहे. नवनियुक्त तालुका मंडल अध्यक्षांवर त्या-त्या मंडलाची जबाबदारी आहे, आणि पक्ष संघटनेच्या दृष्टिकोनातून ते जबाबदारीने काम करतील, असा विश्वास आमदार प्रशांत ठाकूर यांनी व्यक्त करत संघटनेने दिलेली जबाबदारी यशस्वीपणे पार पाडण्यासाठी नियोजनबद्ध काम करा, अशी सूचनाही त्यांनी यावेळी केली. यावेळी भाजपचे ज्येष्ठ नेते अरुणशेठ भगत, जिल्हा सरचिटणीस नितीन पाटील, माजी शहराध्यक्ष अनिल भगत, माजी उपमहापौर सीता पाटील, माजी नगरसेवक एकनाथ गायकवाड, माजी नगरसेवक नरेश गायकवाड, माजी नगरसेवक प्रभाकर बहिरा, कळंबोली माजी अध्यक्ष रविनाथ पाटील, विजय पाटील, कृष्णा पाटील, सतिश पाटील, प्रकाश खैरे, रुपेश नागवेकर, केदार भगत, किशोर चौतमल, रोनक शेट्ये, प्रशांत शेट्ये, भीमराव पोवार, प्रवीण मोरबाळे, संदीप पाटील यांच्यासह पदाधिकारी व कार्यकर्त्यांनी
