भगवान महावीर जयंतीनिमित्त आमदार प्रशांत ठाकूर यांच्याकडून जैन धर्मीयांना शुभेच्छा
पनवेल (प्रतिनिधी) आज संपूर्ण देशात भगवान महावीर स्वामी जयंती मोठ्या श्रद्धेने साजरी होत आहे. या पवित्र दिनानिमित्त लोकप्रिय आमदार प्रशांत ठाकूर यांनी जैन समाजातील बांधवांना शुभेच्छा दिल्या."अहिंसा परमो धर्म:" आणि "जिओ और जिने दो" या तत्वज्ञानाचा अवलंब करत जगाला समता, करुणा व शांततेचा संदेश देणारे भगवान महावीर यांचे विचार आजही तितकेच मार्गदर्शक ठरत आहेत, असे आमदार प्रशांत ठाकूर यांनी आपल्या शुभेच्छा संदेशात सांगितले.
भगवान महावीर जयंतीनिमित्त पनवेलमध्ये सकल जैन समाजाच्या वतीने भव्य शोभायात्रेचे आयोजन करण्यात आले होते. या शोभायात्रेत आमदार प्रशांत ठाकूर यांनीही सहभाग घेतला आणि नागरिकांशी संवाद साधत त्यांना शुभेच्छा दिल्या. यावेळी संजय जैन, नितीन मुनोथ, राजेश बांठिया, किरण परमार, चतुरमल मेहता यांच्यासह समाजातील मान्यवर मंडळी मोठ्या संख्येने उपस्थित होते.
