महापालिकेच्यावतीने थकबाकीदारांच्या मालमत्त्ता अटकावणीस मोहिम वेग
पनवेल,दि.03 : महापालिकेच्यावतीने थकबाकीदारांच्या मालमत्ता अटकावणी मोहीमेस जोमाने सुरूवात केली आहे. मार्च महिना सुरू झाल्यापासून गेल्या तीन दिवसामध्ये 12 मालमत्तांवर अटकावणीची कारवाई करण्यात आली आहे. आयुक्त मंगेश चितळे यांच्या आदेशानूसार उपायुक्त स्वरूप खारगे यांच्या मार्गदर्शनात महापालिकेच्यावतीने मालमत्ता कर न भरणाऱ्या थकबाकीदारांविरोधोत पनवेल महापालिकेच्या मालमत्ता कर संकलन व कर आकारणी विभागाच्यावतीने तयार करण्यात आलेल्या विविध जप्ती व अटकावणी पथकाच्या माध्यमातून वेगाने कारवाई केली जात असून, दररोज कोटीच्या घरामध्ये मालमत्ता कर पालिकेच्या तिजोरीत जमा होत आहे.
आयुक्तांनी दिलेल्याआदेशनूसार आज दिनांक 03 मार्च रोजी मालमत्ता कर न भरणाऱ्या थकबाकीदारांवरती प्रत्येक विभागातील वसुली पथकाने कारवाई केली असून यामध्ये खारघर पथकाने गुडवील इन्फीनीटी सोसायटीच्या तीन मालमत्तांवरील थकीत कराच्या कारवाई अंतर्गत सोसायटीच्या कार्यालयावर देखील अटकावणी कारवाई करण्यात आली आहे. तसेच जोत्सना प्राईम फिटनेस वरती देखील अटकावणी कारवाई करण्यात आली.
तसेच कामोठे पथकाने अटकावणी एस. एम. हाडे पाटील मालमत्तेवर अटकावणी कारवाई केली. याबरोबरच कळंबोली पथकाने मार्बल मार्केट जे. बी. मार्बल प्लॉट नंबर 34,35,36 कंपनी, मार्बल मार्केट नारायण रावरिया प्लॉट 118 यांच्यावरती अटकवणी करण्यात आली. तळोजे एमआयडीसी पथकाच्यावतीने भारत कोच बिल्डर्स प्रा ली प्लॉट.C 28 यांच्यावर आटकवणी केली.
कर अधिक्षक महेश गायकवाड तसेच कर अधिक्षक सुनील भोईर यांच्या नेतृत्वाखाली जप्ती कारवाई व वसुली कारवाईसाठी मनुष्यबळ वाढविण्यात आले आहे. वसुली कारवाईला गती देण्यासाठी य वसुली टिममध्ये वाढ करण्यात आली आहे. अटकावणी कारवाई अधिक तीव्र केल्यामुळे मालमत्ता कर भरण्याकडे मालमत्ताधारकांचाकल वाढू लागला आहे. जानेवारी महिन्यात महापालिकेने 27 मालमत्तांवर अटकावणी कारवाई केली तर फेब्रुवारी महिन्यात 21 मालमत्तांवर अटकावणी कारवाई करण्यात आली. परंतू अटकावणी केलेल्या मालमत्तांधारकानी आपला अधिकांश मालमत्ता कर भरल्याने यांच्यावरील कारवाई रद्द करण्यात आली आहे.
महापालिकेने मालमत्ता कर ऑनलाईन भरण्यासाठी ‘PMC TAX APP’ मोबाईल ॲप विकसित केले आहे. तसेचwww. panvelmc.org या वेबसाईटवरती जाऊनही आपला मालमत्ता कर नागरिकांना भरता येणार आहे. मालमत्ताधारकांना काही शंका असल्यास 1800-5320-340 या टोल फ्री क्रमांवरती संपर्क साधावा असे आवाहन महापालिकेच्यावतीने करण्यात आले आहे.
चौकट
मालमत्ता कर न भरल्यास त्याच्या शास्तीमध्ये प्रतिमहा २ टक्क्यांची वाढ होत असल्याने तसेच नागरिकांनी आपला मालमत्ता कर भरून महापालिकेस सहकार्य करावे.
उपायुक्त स्वरूप खारगे, पनवेल महानगरपालिका
