अनधिकृत फेरीवाल्यांवर, व्यवसायिकांवर, नारळपाणी विक्रेत्यांवर पनवेल महापालिकेची तोडक कारवाई
पनवेल,दि.27 : पनवेल महानगरपालिका कार्यक्षेत्रात अनधिकृतपणे रस्त्यांवर , फूटपाथवर अतिक्रमण करणाऱ्या फेरीवाल्यांवर, व्यावसायिकांवर, खाद्य पदार्थ विक्रेत्यांवर ,नारळपाणी विक्रेत्यांवर तसेच अनधिकृत बाजारांवरती आयुक्त श्री.मंगेश चितळे यांनी तोडक कारवाई तीव्र करण्याबाबत सूचना दिल्या आहेत. त्यानूसार चारही प्रभागांमध्ये अतिक्रमण विरोधात जोरदार कारवाई करण्यात येत आहे.
यामध्ये दिनांक 26 गुरूवारी खारघर मधील डीमार्ट समोरील झोपडपट्टीवर कारवाई करून जेसीबीच्या साहाय्याने 120 झोपड्या तोडण्यात आल्या. यावेळी सहाय्यक आयुक्त स्मिता काळे, प्रभारी अधिक्षक जितेंद्र मढवी, सुरक्षा रक्षक, अतिक्रमण विभागाचे कर्मचारी मोठ्या संख्येने उपस्थित होते.
तसेच गुरूवारी कामोठ्यामध्ये सेक्टर 11 मध्ये फूटपाथवर अतिक्रमण करून ठेवलेल्या साहित्यांवरती अतिक्रमण कारवाई करून सर्व सामान जप्त करण्यात आले. तसेच सेक्टर 34मध्ये रस्त्यावरती अनधिकृतरित्या उभारलेल्या खाद्यपदार्थाच्या स्टॉलवरती अतिक्रमण कारवाई करून सिलेंडर जप्त करण्यात आले.तसेच रस्त्यांवरती ठेवलेले दुकानांच्या बोर्डवरती कारवाई करून जप्त करण्यात आले. यावेळी सहाय्यक आयुक्त सुबोध ठाणेकर उपस्थित होते.
पनवेलमध्ये गुरूवारी सेक्टर17 मध्ये जनार्दन भगत मार्ग येथे रस्त्यावर अनधिकृतरित्या सुरू असलेल्याआईसक्रिमच्या गाड्यांवरती कारवाई करून सामान जप्त करण्यात आले. तसेच फूटपाथवरील फुलविक्रते,फळविक्रेत्यांवरती कारवाई करून सामान जप्त करण्यात आले. तसेच साईनगरमध्ये रस्त्यावरती अतिक्रमण करून अनधिकृतरित्या व्यवसाय करणाऱ्यांवरती कारवाई करण्यात आली. पनवेलमधील नया नगर भागातील रस्त्यावर अनधिकृतपणे टपऱ्या बांधून व्यवसाय करणाऱ्यांवरती अतिक्रमण विभागाच्यावतीने कारवाई करून सामान जप्त करण्यात आले व टपऱ्यांवरती तोडक कारवाई करण्यात आली. नवीन पनवेलमध्ये वाहतुकीस अडथळा आणणाऱ्या 2 हातगाड्या तोडण्यात आल्या व त्यांचा माल जप्त करण्यात आला. पनवेल प्रभागामध्ये विविध ठिकाणी रस्त्यांवर अनधिकृत व्यवसाय करणाऱ्या नारळ पाणी विक्रत्यांवरती तसेच फळ विक्रेत्यांवरती अतिक्रमण विभागाच्यावतीने कारवाई करून फळे जप्त करण्यात आले,
तसेच शुक्रवारी बेलपाडा गॅरेज लाईन परिसरात अनधिकृतरित्या रस्त्यावरती ठेवलेले सामान तसेच अनधिकृत फूटपाथवरील बोर्ड वर कारवाई करून सामान जप्त करण्यात आले.तसेच ॲपीजे हायस्कूल रोड, प्राईम मॉल ,शहीद भगतसिंग मार्ग येथे अनधिकृतरित्या फूटपाथवर फळ विक्री करणाऱ्या वनारळ पाणी विक्रेत्यांवर अतिक्रमण विभागाच्यावतीने कारवाई करून नारळ ,जप्त करण्यात आले.
नवीन पनवेलमध्ये शुक्रवारी फूटपाथवरील अनधिकृतरित्या व्यवसाय करणाऱ्या नारळ विक्रेते तसेच फळ विक्रत्यांवर कारवाई करून सामान जप्त करण्यात आले.तसेच रस्त्यांवर वाहतुकीस अडथळा करून व्यवसाय करणाऱ्या फळ विक्री ,भाजी विक्री करणाऱ्या गाड्यांवरती अतिक्रमण विभागाच्यावतीने तोडक कारवाई करण्यात आली.