लोकप्रिय उमेदवार प्रितम म्हात्रे यांचा चौकमध्ये घर भेटीवर भर
पनवेल: उरण विधानसभा मतदार संघात शेतकरी कामगार पक्षाचे उमेदवार प्रितम म्हात्रे यांनी चौक परिसरात कार्यकर्ते गाव आणि घर भेटीवर भर देत असल्याचे दिसत आहे.
उरण विधानसभा मतदार संघात शेतकरी कामगार पक्षाचे उमेदवार प्रीतम जे एम म्हात्रे यांनी प्रचारात आघाडी घेतली आहे. ठीक ठिकाणी त्यांचे कार्यकर्ते, महिला भगिनी, जेष्ठ नागरिक, तरुण वर्ग यांच्याकडून स्वागत केले जात आहे. गाव भेटीवर प्रीतम म्हात्रे यांनी विशेष लक्ष दिले आहे. प्रीतम म्हात्रे यांना मतदारांचा उत्स्फूर्त प्रतिसाद लाभत असून गावोगावी त्यांचे स्वागत केले जात आहे. प्रितम जे एम म्हात्रे यांच्या वतीने चौक जवळ त्यांनी इंग्लिश माध्यमाची शाळा सुरू केल्याने सर्व सामान्य कुटुंबातील मुलांच्या इंग्लिश स्कूलचे स्वप्न पूर्ण झाले आहे, त्याच ठिकाणी पंचायतन मंदिर बांधले आहे. या ठिकाणी अनेक भाविक येतात. हे ठिकाण पर्यटकांसाठी आकर्षण आहे. इरसाल वाडी येथे झालेल्या दुर्घटनेत प्रितम म्हात्रे यांनी दुर्घटनाग्रस्त यांच्या जेवणापासून ते राहण्यापर्यंतची सोय कंटेनर हाऊस येथे राहण्यास ते जाईपर्यंत केली. त्यामुळे मतदारांचा चांगला प्रतिसाद प्रीतम म्हात्रे यांना लाभत आहे.
