प्रीतम म्हात्रेंच्या गावदौऱ्याला उत्स्फूर्त प्रतिसाद


प्रीतम म्हात्रेंच्या गावदौऱ्याला उत्स्फूर्त प्रतिसाद





पनवेल : उरण विधानसभा मतदारसंघामध्ये लाल बावटा फडकवून उरणमधील विजयाची माजी आमदार विवेक पाटील यांना भेट देणार आहे, असे उद्गार उरण विधानसभा मतदारसंघाचे शेतकरी कामगार पक्षाचे उमेदवार प्रीतम म्हात्रे यांनी काढले. प्रीतम म्हात्रे यांच्या गावभेटी सुरू असून, नुकतीच त्यांनी शिरढोण गावाला भेट देऊन आद्य क्रांतिवीर वासुदेव बळवंत फडके यांना अभिवादन केले. यावेळी पनवेलचे माजी नगराध्यक्ष जे. एम. म्हात्रे यांचे बंधू विजय म्हात्रे, माजी आमदार विवेक पाटील यांचे बंधू हेमंत पाटील, कृषी उत्पन्न बाजार समितीचे सभापती नारायण घरत, कृषी उत्पन्न बाजार समितीचे माजी सभापती राम भोईर, पंचायत समितीचे माजी उपसभापती सुभाष पाटील, संतोष पाटील, विभागीय चिटणीस नाना मोरे, शिरढोणच्या सरपंच वैशाली भोईर, माजी सरपंच पांडुरंग मुकादम, कांचन मुकादम, मोहन पवार, वाहतूक सेलचे पनवेल तालुका अध्यक्ष सागर भोईर, व्यापारी सेलचे विभागीय अध्यक्ष संग्राम भोपी, भरत भोईर, वासुदेव कर्णे कर, ऋषिकेश भोईर, भारत मुकादम, जगदीश मुकादम, भूषण म्हात्रे, योगेश मुकादम यांच्यासह शेकाप कार्यकर्ते, पदाधिकारी उपस्थित होते.
      शेतकरी कामगार ज्येष्ठांनी माझ्यासारख्या पक्षातील तरुणाला 
विधानसभेची निवडणूक लढवण्याची संधी दिल्याबद्दल प्रीतम म्हात्रे यांनी आभार मानले. युवा कार्यकर्ते पक्षाकडे आकर्षित होत असल्याचेही त्यांनी सांगितले. उरण विधानसभा मतदारसंघामध्ये भाजपामुळे अनेक विकासकामे रखडली असून, आद्य क्रांतिवीर वासुदेव बळवंत फडके यांचा वाडा व या विभागातील इतर कामे शेतकरी कामगार पक्षांमुळेच झाली आहेत, असे प्रीतम म्हात्रे म्हणाले.

अनेकांचा पाठिंबा मिळत असल्याने महाविकास आघाडीचा विजय निश्चित-
बाळाराम पाटील
पनवेल : माजी आमदार बाळाराम पाटील यांच्या प्रचार दौऱ्याला जोरदार सुरुवात झाली आहे. या प्रचार दौऱ्यात अनेकांचा पाठिंबा मिळत असल्याने महाविकास आघाडीचा विजय निश्चित असल्याचे बाळाराम पाटील यांनी सांगितले. 
       महाविकास आघाडी आता पूर्णपणे एकदिलाने व एकत्रितपणे प्रचारात उतरली असून शिट्टीचा विजय निश्‍चित झाल्याचे प्रतिपादन 188 पनवेल विधानसभा मतदार संघाचे महायुतीचे उमेदवार बाळाराम पाटील यांनी पत्रकार परिषदेत महाविकास आघाडी संदर्भात माहिती देताना सांगितले. या बैठकीला उमेदवार बाळाराम पाटील यांच्यासह काँग्रेस पनवेल जिल्हाध्यक्ष सुदाम पाटील, युवक अध्यक्ष हेमराज म्हात्रे, शिवसेना (उद्धव बाळासाहेब ठाकरे) महानगरप्रमुख एकनाथ म्हात्रे, शिवसेना तालुका प्रमुख विश्‍वास पेटकर, उपाध्यक्ष कॅप्टन कलावत, माजी.नगरसेविका निर्मला म्हात्रे, एम.पी.यादव, अनिल नाईक, फारुक पटेल यांच्यासह इतर पदाधिकारी, कार्यकर्ते उपस्थित होते.
          यावेळी बोलताना बाळाराम पाटील यांनी सांगितले की, ही निवडणूक सर्वांसाठी महत्वाची आहे. या निवडणुकीत शिट्टी विजयी होेईल असा विश्‍वास त्यांनी व्यक्त केला. खारघर, कामोठे, कळंबोली, खांदा कॉलनी, तळोजा, पनवेल, नवीन पनवेलमध्ये आम्हाला उत्स्फूर्त प्रतिसाद मिळत असून आमच्या विजयाची शिट्टी ही वाजणारच असेही त्यांनी यावेळी सांगितले. गेल्या 15 वर्षात येथील आमदाराने काय काम केले याची त्यांनी माहिती द्यावी, असा सवाल त्यांनी केला. पनवेलसाठी वेगळा वचननामा काढणार असल्याचे त्यांनी सांगितले. तर यावेळी बोलताना सुदाम पाटील यांनी सुद्धा आता काँग्रेस, राष्ट्रवादी काँग्रेस व आमचे सर्व मित्र पक्ष एकत्रितपणे कामाला लागलो असून आमच्या हेवेदावे मिटले आहेत व कोणत्याही परिस्थितीत महाविकास आघाडीच्या उमेदवारांना निवडून द्यायचे हा निर्धार आम्ही केला असून व त्या माध्यमातून प्रचारात सक्रीय झालो असल्याचे त्यांनी सांगितले. गेल्या पंधरा वर्षात पनवेल मागे गेला आहे. अनेक समस्या पनवेलमध्ये ठाण मांडून आहेत. त्यामुळे पनवेलकरांनी आता महाविकास आघाडीच्या उमेदवाराला विजयी करावे असे आवाहन  यावेळी करण्यात आले. 

Popular posts
क्रिकेट सामन्यांचे शेकाप नेते प्रीतम म्हात्रे यांच्या हस्ते उद्घाटन
Image
मेडिकवर हॉस्पिटलमध्ये मिट्राक्लिप प्रक्रियेनंतर ७८ वर्षीय रुग्णाच्या हृदयविकारावर यशस्वी उपचार
Image
पनवेल युवा चे संपादक निलेश सोनावणे याना मुंबई विद्यापीठाचे मा कुलगुरू तथा मा खासदार डॉ भालचंद्र मुणगेकर यांच्या हस्ते साने गुरुजी राष्ट्र प्रेरणा पुरस्कार प्रदान
Image
प्रवेशद्वाराचे शेकाप नेते प्रीतम म्हात्रे यांच्या हस्ते भूमिपूजन
Image
जितेंद्र म्हात्रेंना राष्ट्रपती पोलीस पदक जाहीर!पनवेल तालुका पोलीस ठाण्यात कर्तव्यावर
Image