शासकीय तंत्रनिकेतन रत्नागिरी येथे अधिव्याख्याता पदांसाठी शुक्रवारी 11 वाजता मुलाखती
रत्नागिरी, दि. 10 (जिमाका) : शासकीय तंत्रनिकेतन येथे विविध अभ्यासक्रमांकरिता तात्पुरत्या स्वरुपात तासिका तत्वावर अधिव्याख्यता पदांसाठी शैक्षणिक वर्ष 2024-25 वर्षाकरिता नियुक्ती करण्यासाठी पात्र उमेदवारांकडून अर्ज मागविण्यात येत असल्याचे शासकीय तंत्रनिकेतनचे प्राचार्य डॉ. रा.के. वाकोडकर यांनी कळविले आहे.
स्थापत्य, उपयोजित यंत्रशास्त्र, संगणक, विद्युत, अणुविद्युत, यंत्र, मेकॅट्रॉनिक्स या अभ्यासक्रमासाठी शैक्षणिक पात्रता बी.ई, प्रथमश्रेणी, औषधनिर्माणशास्त्र साठी बी.फार्म प्रथमश्रेणी, इंग्रजी, गणित,रसायनशास्त्र, भौतिकशास्त्र साठी एम ई प्रथम श्रेणी, एम.एससी प्रथमश्रेणी आवश्यक.
तरी पात्र व इच्छुक उमेदवारांनी मुलाखतीसाठी आपला अर्ज, मुळ प्रमाणपत्र व झेरॉक्स प्रतीसहित 12 जुलै रोजी सकाळी 11 वा. मुलाखतीसाठी उपस्थित रहावे.
स्थापत्य, उपयोजित यंत्रशास्त्र, विद्युत, शास्त्र, औषधनिर्माणशास्त्र यांनी मुख्य इमारत संबंधित विभाग तर संगणक, अणुविद्युत, यंत्र, मेकॅट्रॉनिक्स यांनी विस्तारीत इमारत संबंधित विभाग येथे मुलाखतीसाठी उपस्थित रहावे.
