खारघर ते आंतरराष्ट्रीय विमानतळापर्यंतची बंद करण्यात आलेली बेस्ट बस क्रमांक एस 105 पूर्ववत सुरू करण्यात यावी-मा. नगरसेविका नेत्रा किरण पाटील
खारघर(प्रतिनिधी)- खारघरमधील पनवेल महानगरपालिकेच्या मा.नगरसेविका सौ.नेत्रा किरण पाटील यांनी बेस्टचे महाव्यवस्थापक यांच्याकडे लेखी निवेदनाद्वारे मागणी केली आहे की,खारघर जलवायूविहार येथून बेस्ट उपक्रमाची एस १०५ क्रमांकाची बस मुंबई आंतरराष्ट्रीय विमानतळापर्यंत धावत होती.या बसमुळे खारघरमधील सामान्य नागरिकांंना राष्ट्रीय आणि आंतरराष्ट्रीय विमानतळावर जाणे-येणे सोईस्कर आणि आरामदायी होते;पण बेस्ट प्रशासनाने ती बंद करून सामान्य नागरिकांची कोंडी आणि गैरसोय केली आहे.
तरी कृपया ही बस लवकरात-लवकर सुरू करावी अशी मागणी त्यांनी आपल्या निवेदनाद्वारे बेस्ट प्रशासनाला केली आहे.
