बेलापूर विभागात अनधिकृत झोपड्यावर धडक कारवाई
नवी मुंबई महानगरपालिका कार्यक्षेत्रातील अे विभाग बेलापूर कार्यालयाअंतर्गत बेलापूर ब्रिजखाली, बेलापूर, नवी मुंबई येथे अनधिकृतपणे झोपड्या उभारण्यात आलेल्या होत्या.
मा.आयुक्त सो यांच्या आदेशान्वये व मा.उप आयुक्त् यांच्या मार्गदर्शनानुसार अे विभाग बेलापूर कार्यालयाचे श्री.शशिकांत तांडेल (सहा. आयुक्त् तथा विभाग अधिकारी) यांच्या नियंत्रणाखाली सदर बेलापूर ब्रिजखाली, बेलापूर, नवी मुंबई येथील 48 अनधिकृत झोपड्या अे विभाग बेलापूर कार्यालयामार्फत तोडक मोहिमेचे आयोजन करुन निष्कासित करण्यात आल्या आहेत. या धडक मोहिमेसाठी अे विभाग कार्यालय अंतर्गत बेलापूर मधील अधिकारी/ कर्मचारी श्री. मयुरेश पवार (कनिष्ठ् अभियंता), श्री. स्वप्निल तारमळे (वरिष्ठ् लिपिक), श्री. नयन भोईर (लिपिक) मजूर 10, जे.सी.बी - 01, पिकअप-01 तसेच अतिक्रमण विभागाकडील पोलिस तैनात होते.
यापुढे देखील अशा प्रकारे कारवाई तीव्र करण्यात येणार आहे.
