श्री साई गणेश मंदीर ट्रस्ट खारघर येथे माघी गणेशोत्सवानिमित्त भव्य कार्यक्रमांचे आयोजन
खारघर(प्रतिनिधी)दि२४-खारघरमध्ये वास्तुविहारस्थित सेक्टर-१६ येथील श्री साई गणेश मंदीर ट्रस्टच्या वतीने सालाबादप्रमाणे याही वर्षी माघी गणेशोत्सवाचे आयोजन करण्यात आले असून आज दि.२४ आणि २५ असे दोन दीवस येथे भव्य असे अनेक कार्यक्रम आयोजित करण्यात येतात.यामध्ये दिंडी प्रदक्षिणा,गणेश मुर्ती पुजा,अभिषेक,भजन संध्या,महाआरती,महिलांसाठी हळदी-कुंकू व सांस्कृतिक कार्यक्रमांची रेलचेल आपणांस पहायला मीळणार आहे.बुधवारी २५ तारखेला महाप्रसादाचे आयोजन केले आहे.
या ट्रस्टच्या कार्यक्रमात वास्तुविहार व सेलिब्रेशन मधील नागरिकांसह खारघरमधील अनेक भाविक मोठ्या संख्येने उपस्थित राहून या सोहळ्याचे साक्षीदार होतात.
ट्रस्टचे संस्थापक समीर कदम यांनी जनसभाच्या माध्यमांतून परिसरातील सर्व नागरिकांना विनंती केली आहे की,आपण सालाबादप्रमाणे याही वर्षी मोठ्या संख्येने उपस्थित राहून कार्यक्रमाची शोभा वाढवावी.
