पर्यटन संचालनालयामार्फत ज्येष्ठ नागरिकांसाठी गणपती दर्शन सहलीचे आयोजन
नवी मुंबई, दि.29:- स्वातंत्र्याचा अमृतमहोत्सवा निमित्त पर्यटन संचालनालयमार्फत वय वर्षे-60 पुढील ज्येष्ठ/वरीष्ठ नागरिकांकरिता गणेश दर्शनाच्या विशेष सहलीचे आयोजन करण्यात आले आहे. ही सहल मुंबई, ठाणे, पुणे, आणि नागपूर या प्रमुख शहारांमध्ये आयोजित करण्यात आली असून दिनांक 01, व 02 आणि 05 ते 7 सप्टेंबर 2022 या कालावधीत ठाणे शहारातील तलाव पाली (घंटाळी रोड) आणि वाघबीळ (घोडबंदर रोड) या ठिकाणांहून सकाळी 9.00 ते सायंकाळी 5.00 वा. या वेळेत दररोज दोन बसेस सुटणार असल्याची माहिती प्रादेशिक पर्यटन विभागाचे उपसंचालक श्री.हनुमंत हेडे यांनी दिली.
पर्यटन संचालनालयामार्फत आयोजित करण्यात आलेल्या या विशेष सहली करिता नोंदणी करण्यासाठी www.maharashtratourism.gov.in
ठाणे शहारातील गांधीनगर येथील शिवसमर्थ मित्र मंडळ, जय भवानी नगर येथील सार्वजनिक उत्सव मंडळ, किसन नगर-3 येथील जनजागृती मित्र मंडळ तसेच किसन नगर-3 मधील सूर्यउदय मित्र मंडळ, खेवरा सर्कल येथील सार्वजनिक गणेश उत्सव मंडळ, खोपट येथील पंचशील सार्वजनिक मंडळ या नामांकित गणपती मंडळांचा अंतर्भाव करण्यात आला आहे. या सहलीत VIP दर्शन, AC बसमधून प्रवास, अल्पोपहार व पाणी बॉटल, टूर गाईड, आरोग्य सेवक (प्रथमोपचार किट्ससह) इत्यादी सुविधा देण्यात येतील. या सुवर्ण संधीचा जास्तीत जास्त ज्येष्ठ नागरिकांनी लाभ घ्यावा. असे आवाहन प्रादेशिक पर्यटन कार्यालय कोंकण विभागाचे उपसंचालक श्री.हनुमंत हेडे यांनी एका प्रसिध्दी पत्रकान्वये केले आहे.
