स्वातंत्र्यदिनाच्या वर्धापन दिनी कोकण भवन येथे ध्वजारोहण कार्यक्रम
नवी मुंबई दि. 11 :-स्वातंत्र्यदिनाच्या 75 व्या वर्धापन दिनोत्सवानिमित्त कोकण विभागीय स्तरावरील ध्वजारोहण नवी मुंबई येथील कोंकण भवन इमारतीच्या प्रांगणात सोमवार दि. 15 ऑगस्ट 2022 रोजी सकाळी ठीक 09.05 वाजता होणार आहे.
या राष्ट्रध्वज वंदन व संचलन समारंभास शासकीय अधिकारी/कर्मचारी व नागरिकांनी कोविड नियम पाळून मोठ्या संख्येने उपस्थित रहावे, समारंभ सुरु होण्याच्या 20 मिनिटे अगोदर कार्यक्रमस्थळी हजर रहावे तसेच सुरक्षिततेच्या दृष्टीने कृपया कोणतीही बॅग सोबत आणू नये, असे आवाहन कोकण विभागीय महसूल आयुक्त यांनी केले आहे.
