पाण्यात बुडून अल्पवयीन मुलाचा दुर्देवी मृत्यू
पनवेल दि. ०६ (वार्ताहर ) : एका अल्पवयीन मुलाचा पाण्यात बुडून किंवा इतर कारणामुळे मृत्यू झाल्याची घटना उलवे से. २५/ ए येथील एका मोकळ्या जागे जवळील नाल्या मध्ये घडली असून सदर मुलाच्या नातेवाईकांचा शोध पनवेल शहर पोलीस करीत आहेत .
सदर अनोळखी मयत मुलाचे अंदाजे वय ८ ते १० वर्ष आहे , त्याच्या अंगात पिवळ्या रंगाचा हाफ बाह्याचा टी शर्ट घातला आहे तसेच गळ्यात काळ्या व पांढऱ्या रंगाची बारीक मळ्याची माळ आहे . या मुला बाबत कोणाला अधिक माहित असल्यास पनवेल शहर पोलीस ठाणे फोन - ०२२-२७४५३२३३ किंवा सहाय्यक पोलीस निरीक्षक शिवाजी हुलगे यांच्याशी संपर्क साधावा .
