बेलापुर ते पेंधर तळोजा मेट्रोचे लवकरात लवकर लोकार्पण करण्याचे मुख्यमंत्री उद्धवजी ठाकरे यांच्याकडे मागणी
पनवेल दि.21 (संजय कदम) : बेलापुर ते पेंधर तळोजा मेट्रोचे लवकरात लवकर लोकार्पण करण्याची मागणी मुख्यमंत्री उद्धवजी ठाकरे यांच्याकडे रायगड जिल्हा संपर्क प्रमुख बबनदादा पाटील यांनी केली आहे.
या निवेदनात रायगड जिल्हा संपर्क प्रमुख बबनदादा पाटील यांनी म्हटले आहे की, बेलापुर पासून पेंघर तळोजा मेट्रो चे काम पूर्ण झालेले आहे असे सिडको महामंडळाकडे चौकशी केली असता सांगण्यात आले. तळोजा इंडस्ट्रियल मध्ये बाहेरून येणाऱ्या कामगारांची आणि नव्याने निर्माण झालेल्या तळोजा फेज 2 मध्ये खूप नागरी वस्ती निर्माण झाली आहे. तळोजा परिसरात खूप ट्रॅफिकचे प्रमाण वाढलेले आहे. सदर सर्व बाबी लक्षात घेऊन बेलापुर ते पेंधर तळोजा मेट्रोचे लोकार्पण करावे आणि नागरिकांना सहजपणे प्रवास उपलब्ध करून द्यावा अशी मागणी त्यांनी केली आहे. तसेच पनवेल, उरण व कर्जत विधानसभेतील सर्व आमदार, जिल्हा प्रमुख, व सर्व पदाधिकारी, शिवसैनिक यांनी शिवसंपर्क अभियान टप्पा 2 चे सर्व क्षेत्रात मोठे बॅनर व सर्वत्र भगवे झेंडे लावून वातावरण भगवेमय करावे करण्याची विनंती रायगड जिल्हा संपर्क प्रमुख बबनदादा पाटील यांनी केली आहे.
