एमपीएससीत ओबीसी महिला प्रवर्गातून राज्यात नेरे येथील सायली ठाकूर अव्वल
नवीन पनवेल : जिल्हा परिषदेच्या प्राथमिक शाळेत शिक्षण घेतलेल्या नेरे येथील सायली श्याम ठाकूर ने एमपी.एस.सी परीक्षेत ओबीसी महिला प्रवर्गातून राज्यात प्रथम क्रमांक पटकावला आहे. शासन सेवेत प्रथम वर्ग अधिकारी म्हणून तिची नियुक्ती करण्यात येणार आहे. अत्यंत प्रतिकूल परिस्थितीवर मात करून खडतर अभ्यासाचा डोंगर पार करून सायली ठाकूरने मिळवलेल्या घवघवीत यशाबद्दल तिच्यावर पनवेल मधून अभिनंदनाचा वर्षाव होत आहे.
