वारंवार जाणाऱ्या लाईट बाबत मनसे आक्रमक, थेट कार्यालयाबाहेर उन्हात ठिय्या

नवीन पनवेल : महावितरणच्या खांदा कॉलनी कार्यालयाच्या बाहेर महाराष्ट्र नवनिर्माण सेनेच्या कार्यकर्तेनी सतत जाणाऱ्या विजे बाबत जाब विचारला. दरम्यान येथे कुणीच अधिकारी कार्यालयात नसल्यामुळे त्यांनी थेट कार्यालयाच्या बाहेर येऊन उन्हात जमिनीवर बसून आंदोलन सुरू केले. यावेली जोरदार घोषणाबाजी करण्यात आली.

नवीन पनवेल, खांदा कॉलनी परिसरात वीज पुरवठा वारंवार खंडित होत आहे. ऐन उन्हाल्यात हा प्रकार वारंवार होत असल्याने नागरिकांचा जीव मेटकुटीला आला आहे. रहिवासी त्रस्त झाले आहेत. याचा जाब विचारण्यासाठी मनसेचे कार्यकर्ते खांदा कॉलनी कार्यालयात गेले होते. मात्र कोणताही अधिकारी येथे नसल्याने जोपर्यंत अधिकारी आम्हाला भेटत नाही तोपर्यंत दिवसभर आम्ही उन्हातच बसून राहणार अशी ताठर भूमिका यावेळी मनसेच्या कार्यकर्त्यांनी घेतली.