मनसेतर्फे सार्वजनिक शौचालयाचे भूमिपुजन
नवीन पनवेल : छत्रपती शिवाजी महाराज चौकासमोरील सार्वजनिक शौचालय पनवेल पालिकेने दोन दिवसांपूर्वी पाडले. सार्वजनिक शौचालय पाडल्याच्या निषेधार्थ पनवेल मनसेने त्याच ठिकाणी नवीन शौचालयाचा भूमिपूजन सोहळा आयोजित केला होता. गुढीपाडव्याच्या दिवशी २ एप्रिल रोजी सार्वजनिक शौचालयाच्या ठिकाणी श्रीफळ फोडून शौचालयाचे भूमिपूजन करण्यात आले. यावेळी मनसेचे योगेश चिले, पराग बालड, संजय मिरकुटे, महिला अध्यक्ष आदिती सोनार, अनिकेत मोहिते आणि राष्ट्रवादी काँग्रेसचे माजी नगरसेवक शिवदास कांबळे उपस्थित होते.
