पनवेल महापालिकेला शासनाने योग्य जीएसटी अनुदान द्यावे-आमदार प्रशांत ठाकूर

पनवेल(प्रतिनिधी) पनवेल महापालिकेला शासनाने योग्य जीएसटी अनुदान द्यावे, अशी मागणी आमदार प्रशांत ठाकूर यांनी विधिमंडळात केली. पनवेल महानगरपालिकेची स्थापना २०१६ साली झाली. त्यानंतर जीएसटीचे अनुदान मिळावे यासाठी त्यावेळचे तत्कालीन आयुक्त यांनी शासनाकडे चुकीची कागदपत्रे दाखल केली. त्यामुळे जीएसटी अनुदान कमी मिळत होते. आणि आता त्यामध्ये आणखी कपात करण्यात आल्याने महानगरपालिकेचे प्रचंड नुकसान होत आहे. २८. ८९ कोटी रुपये ऐवजी ०७ कोटी त्यानंतर आता ते ०४ कोटी जीएसटी अनुदान शासनाने केले आहे. त्यामुळे महानगरपालिकेला प्रचंड आर्थिक संकटाला सामना करावा लागतो, त्यामुळे राज्य शासनाने पनवेल महानगरपालिकेला योग्य जीएसटी अनुदान देणे गरजेचे आहे, असे आमदार प्रशांत ठाकूर यांनी अर्थसंकल्पीय अधिवेशनात पॉईंट ऑफ इन्फर्मेशन नुसार माहिती वजा मुद्दा उपस्थित केला.