मुख्यमंत्री उद्धव ठाकरे यांच्या हस्ते भूमिपूजन करण्यात आले. या कार्यक्रमास ज्येष्ठ नेते खासदार शरद पवार, राज्याचे उपमुख्यमंत्री अजित पवार, महसूल मंत्री बाळासाहेब थोरात,आरोग्य मंत्री राजेश टोपे,मदत व पुनर्वसन मंत्री.विजय वडेट्टीवार,वैद्यकीय शिक्षण मंत्री अमित देशमुख,रायगड जिल्ह्याच्या पालकमंत्री श्रीमती आदिती तटकरे,वैद्यकीय शिक्षण राज्यमंत्री राजेंद्र पाटील यड्रावकर यांची प्रमुख उपस्थिती होती.
*मा मुख्यमंत्री यांच्या भाषणातील महत्त्वाचे मुद्दे*
गेल्या दोन वर्षात रुग्णालयांचे नुतनीकरण, नवीन हॉस्पीटलचे उदघाटन, श्रेणीवर्धनाचे जास्तीत जास्त काम महाराष्ट्रात झाले.
आरोग्य सेवेला ब्रेक न लावता त्यात सातत्याने वाढ करावी लागली. संपूर्ण देशात महाराष्ट्र राज्याने या आव्हानात्मक परिस्थितीत आरोग्य सुविधांमध्ये प्रचंड वाढ केली.
छत्रपतींच्या रायगड जिल्ह्यात या वैद्यकीय महाविद्यालय, रुग्णालयाचे भूमिपुजन होत आहे.
शिवरायांच्या भूमीत आधुनिक सोयी सुविधा असलेले वैद्यकीय महाविद्यालय- रुग्णालय उभे करत आहोत.
मागण्या अनेक असतात. नुसत्या मागण्या करून काही होत नाही त्याच्या पुर्णत्वासाठी पाठपुरावा करावा लागतो. आदिती तटकरे यांनी याचा खुप पाठपुरावा केला.
मुंबई- पुण्याच्या सीमा लाभलेल्या या जिल्ह्याला चांगल्या आरोग्य सुविधा देण्याचा प्रयत्न. उद्योग व्यवसायाचा विकास करतांना निरोगी आरोग्याकडे लक्ष देणे गरजेचे आहे.
*लसीकरण वाढवा*
कोरोना अजून संपलेला नाही. मास्क कधी काढणार हा प्रश्न सातत्याने विचारला जातो. असे आताच काही सांगता येत नाही. आता आपल्याला हा जो काळ मिळाला तो लसीकरण वाढवण्यासाठी उपयुक्त आहे.
साथ शिखरावर असतांना लसीकरण करणे कितपत योग्य हे डॉक्टर सांगतील पण आता लाट कमी होत असतांना लसीकरण वाढवणे गरजेचे.लसीकरणानंतरही कोरोना लागण होते पण त्याची घातकता कमी होते, जीव वाचवण्याचे सुरक्षा कवच म्हणून लस महत्वाची.अपघातग्रस्त भागात ट्रॉमा केअर सेंटर उभे करत आहोत. नागरिकांच्या आरोग्याचे रक्षण करणे आपले प्रथम कर्तव्य आहे. ज्यांचे या रुग्णालय उभारणीस सहकार्य लाभले त्या सर्वांना धन्यवाद. रुग्णालय इमारत लवकरात लवकर बांधून हे रुग्णालय सुरु होईल हे पाहिले जावे.
यावेळी जिल्हा परिषद अध्यक्षा श्रीमती योगिता पारधी,खासदार श्रीरंग बारणे, खासदार सुनिल तटकरे.आमदार जयंत पाटील, आमदार निरंजन डावखरे, आमदार बाळाराम पाटील, अनिकेत तटकरे, आमदार भरत गोगावले, आमदार प्रशांत ठाकूर, आमदार रविशेठ पाटील, आमदार महेंद्र दळवी, आमदार महेंद्र थोरवे, आमदार महेश बालदी,वैद्यकीय शिक्षण विभागाचे आयुक्त विरेंद्र सिंह, वैद्यकीय शिक्षण विभागाचे सचिव सौरव विजय, वैद्यकीय शिक्षण विभागाचे संचालक डॉ.दिपक म्हैसेकर,जिल्हाधिकारी डॉ.महेंद्र कल्याणकर,वैद्यकीय महाविद्यालयाचे अधिष्ठाता डॉ.महेंद्र कुरा आदी मान्यवर उपस्थित होते
