शासकीय दाखले वाटप शिबीराला उत्स्फूर्त प्रतिसाद
कोरोना नियमांचे पालन करून झालेल्या या शिबिराला नागरिकांचा उत्स्फूर्त प्रतिसाद लाभला. या शिबिराला पनवेल महानगरपालिकेचे सभागृहनेते परेश ठाकूर, भाजपचे खारघर शहर अध्यक्ष ब्रिजेश पटेल, जिल्हा उपाध्यक्ष प्रल्हाद केणी, नगरसेवक हरेश केणी, ज्येष्ठ कार्यकर्ते वासुदेव पाटील, युवा नेते विनोद घरत, युवा मोर्चाचे जिल्हाध्यक्ष मयुरेश नेतकर, युवा मोर्चा खारघर अध्यक्ष दिनेश खानावकर, नगरसेवक अभिमन्य पाटील, प्रवीण पाटील, नरेश ठाकूर, निलेश बाविस्कर गीता चौधरी, बिना गोगरी, तसेच मनीषा पाटील, संजय बिक्कड, डी. एल. पवार, प्रकाश लोंढे, निर्दोष केणी, स्मिता गोडबोले, प्रसिका शिंदे, मीनाक्षी घाटे, जान्हवी मानकामे आदी तहसील कार्यालय अधिकाऱ्यांची उपस्थिती लाभली.
रेशनकार्ड, उत्पन्न दाखला, जातीचा दाखला, डोमासाईल, आधारकार्ड, वय व अधिवास, अशा विविध शासकीय दाखल्यांसाठी विद्यार्थी व नागरिकांना पनवेल तहसील कार्यालयात फेऱ्या माराव्या लागतात, अशा परिस्थितीत वेळ आणि आर्थिक भुर्दंड पडत असतो, त्यामुळे नागरिकांचा हा त्रास वाचविण्यासाठी आमदार प्रशांत ठाकूर यांच्या नेतृत्वाखाली पनवेल महानगरपालिकेचे सभागृहनेते परेश ठाकूर, भाजपचे जिल्हा उपाध्यक्ष प्रल्हाद केणी, नगरसेवक हरेश केणी व नगरसेवक बबन मुकादम यांनी पनवेलचे तहसिलदार विजय तळेकर यांची भेट घेऊन शासकीय दाखले वाटप शिबीर आयोजित करण्याची मागणी केली होती. त्या मागणी नुसार या शिबिरांचे आयोजन करण्यात आले आहे.
आज (दि. १६ सप्टेंबर) खारघर येथील रामशेठ ठाकूर कॉलेज येथे शिबीर संपन्न झाले. शुक्रवार दिनांक १७ सप्टेंबर रोजी सकाळी ११ वाजता सुकापूर येथील लक्ष्मी पब्लिक स्कुल येथे, शुक्रवार दिनांक २४ सप्टेंबरला सकाळी ११ वाजता कळंबोली मधील नवीन सुधागड हायस्कुल येथे, शुक्रवार दिनांक ०१ ऑक्टोबर रोजी सकाळी ११ वाजता आजिवली हायस्कुल येथे, शुक्रवार दिनांक ०८ ऑक्टोबरला सकाळी ११ वाजता कामोठे येथील सुषमा पाटील विद्यालयात तर मंगळवार दिनांक १२ ऑक्टोबर रोजी सकाळी ११ वाजता गव्हाण येथील छत्रपती शिवाजी हायस्कुलमध्ये हे शिबीर होणार असून या शिबिरामध्ये रेशनकार्ड, उत्पन्नाचा दाखला, डोमासाईल, वय व अधिवास दाखला, रहिवासी दाखला, जातीचा दाखला, शालेय विद्यार्थ्यांसाठी आधारकार्ड नोंदणी व दुरुस्ती आदी सुविधा नागरिकांसाठी उपलब्ध होणार आहेत.
