महाराष्ट्र शासनाच्या ग्रंथालय संचालनालयाच्या दर्जेदा पुस्तकाच्या यादीत लेखिका सौ.अरुणा अजित भागवत यांच्या दोन पुस्तकांची निवड
मुंबई/प्रतिनिधी- महाराष्ट्र शासनाच्या ग्रंथालय संचालनालयाच्या ग्रंथ निवड समितीने २०२३ मध्ये प्रकाशित उत्तम, दर्जेदार ग्रंथांची यादी जाहीर केली आहे. या उत्तम, दर्जेदार ग्रंथांच्या यादीत रायगड येथील लेखिका सौ अरुणा अजित भागवत यांची इसाप प्रकाशन,नांदेड यांनी प्रकाशित केलेली दोन पुस्तके निवडण्यात आली आहेत आय. एस. बी. एन. नंबर असलेली तसेच उत्तम साहित्य ,सकारात्मक विचार करायलाशिकविणारी आणि व्यक्तिमत्त्व विकासाला मदत करणारी पुस्तके वाचकांना मिळावीत यासाठी या पुस्तकांची निवड करण्यात आलेली आहेत.यामध्ये रायगड जिल्ह्याच्या ख्यातनाम लेखिका सौ अरुणा अजित भागवत यांची 2023 मध्ये प्रकाशित झालेली दोन पुस्तके गुलाम (कथासंग्रह) आणि जंतर मंतर छू ( बालकथासंग्रह) हे निवडण्यात आले आहेत.
लेखिका सौ अरुणा भागवत यांच्या याआधीच्या दोन पुस्तकांना देखील महाराष्ट्र राज्य साहित्य व संस्कृती मंडळ याच्या उत्कृष्ट वाड्मय निर्मिती पुरस्कार प्राप्त झाला आहे. २००६ यावर्षी या लाडक्या मुलांनो या पुस्तकास साने गुरुजी पुरस्कार व २०१३ यावर्षी आनंद फुलवू या या पुस्तकाला भा. रा. भागवत पुरस्कार राज्य सरकारच्या वतीने देण्यात आला.
या पुस्तकाच्या निवडीने रायगड जिल्ह्याच्या शिरपेचात पुन्हा एकदा मानाचा तुरा खोवला गेला. याप्रसंगी प्रकाशक, दत्ता डांगे, डॉ. नीलिमा मोरे, अरविंद मोरे, भूषण भागवत आणि स्वाती भागवत यांनी अभिनंदन करून पुढील वाटचालीसाठी शुभेच्छा दिल्या. या भूषणावह बातमीमुळे संपूर्ण रायगड जिल्हाच नाही तर महाराष्ट्र राज्यात साहित्य क्षेत्रात आनंदाची लहर पसरली आहे. सर्वांकडून अभिनंदनाचा वर्षाव लेखिका सौ. अरुणा भागवत यांच्यावर होत आहे.
