वेशवी येथे विज्ञान प्रदर्शनाचे आयोजन
पनवेल : जे. एम. म्हात्रे चॅरिटेबल संस्थेच्या पदाजी पांडुरंग मुंबईकर इंग्रजी माध्यमिक शाळा, वेशवी येथे विज्ञान प्रदर्शनाचे आयोजन करण्यात आले होते. या ठिकाणी प्रमुख पाहुणे म्हणून सौ.ममता प्रितम म्हात्रे, सौ. सुनिता दिलीप पाटील, ए.एस.सी. कॉलेज पनवेल चे प्राचार्य श्री.गणेश ठाकूर सर, शाळा कमिटी चेअरमन श्री.चंद्रकांत मुंबईकर हे उपस्थित होते.
शाळेतील विद्यार्थ्यांनी विविध प्रकारचे विज्ञानाचे प्रात्यक्षिक सादरीकरण केले होते. “शिक्षण घेत असतानाच आपल्या मनातील काही वैज्ञानिक कल्पना मांडण्यासाठी विज्ञान प्रदर्शन हे एक चांगले व्यासपीठ आहे ,आजचे छोटे विद्यार्थी सुद्धा आपल्या कल्पना प्रभावीपणे या प्रदर्शनात मांडताना पाहून आम्ही देत असलेल्या आमच्या शैक्षणिक सेवा कार्याबद्दल अभिमान वाटला” अशा भावना सौ.ममता प्रितम म्हात्रे यांनी व्यक्त केल्या.