प्रारूप विकास योजनेच्या नकाशाबाबत प्रश्नांच्या निराकरणासाठी ' विकास योजना कक्ष' स्थापन
पनवेल,दि.19: महाराष्ट्र प्रादेशिक नियोजन व नगररचना अधिनियम, १९६६ चे कलम २६(१) अन्वये पनवेल महानगरपालिका क्षेत्रासाठी सुधारित व एकत्रित प्रारुप विकास योजनेचे प्रसिद्धीकरण दिनांक ०८ ऑगस्ट रोजी करण्यात आले आहे. महानगरपालिका आयुक्त श्री.मंगेश चितळे यांच्या निर्देशानूसार पनवेल महापालिका क्षेत्रासाठी प्रसिद्ध केलेले सुधारित व एकत्रित प्रारूप विकास योजनेच्या नकाशाबाबत नागरिकांना काही प्रश्न उद्भवल्यास त्याचे निराकरण करण्यासाठी पनवेल महानगरपालिका अग्निशमन इमारत ३ रा मजला येथे विकास योजना कक्ष स्थापन करण्यात आला आहे.
या सुधारित व एकत्रित प्रारुप विकास योजनेचे नकाशे पनवेल महानगरपालिकेच्या www.panvelcorporation.com या वेबसाईटवर नागरिकांना अवलोकनार्थ उपलब्ध आहेत. हे नकाशे ॲन्ड्रॉईड व आय फोनवर अगदी सहज डाऊनलोड करता येऊ शकतील आशा स्वरूपात उपलब्ध आहेत. नकाशाची प्रत किंवा भागशः नकाशा पाहिजे असल्यास शुल्क आकारून नागरिकांना उपलब्ध करून देण्यात येत आहेत. पनवेल महानगरपालिका क्षेत्रासाठी प्रसिद्ध करण्यात आलेल्या सुधारित व एकत्रित प्रारुप विकास योजनेबाबत नागरिकांना सूचना व हरकती घेण्याची मुदत ही योजना प्रसिद्ध झालेपासुन ३० दिवसात म्हणजेच दिनांक ०७ सप्टेंबर २०२४ पर्यंत आहे. नागरिकांना याबाबत काही शंका असल्यास विकास योजना कक्षाशी संपर्क साधावा असे आवाहन आयुक्त श्री. मंगेश चितळे यांनी केले आहे.
चौकट
सुधारित व एकत्रित प्रारूप विकास योजनेच्या नकाशाबाबत नागरिकांना काही प्रश्न उद्भवल्यास त्याचे निराकरण करण्यासाठी खालील नमूद अधिकारी यांच्याशी संपर्क साधावा.
1.विठ्ठल धायगुडे
मोबाईल क्रमांक :8104749973
गावाचे नाव : पनवेल, नागझरी, चाळ, घोट, धानसर, धरणगाव, धरणाकॅम्प, तुर्भे, पिसार्वे
2.रणजीत कोरे
मोबाईल क्रमांक: 9970426737
गावाचे नाव : रोहिंजन, बीड, आडवली, तळोजा मजकूर, कोयनावळे, करवले बुद्रुक
3.अनिकेत दुर्गवले
मोबाईल क्रमांक: 7507021362
गावाचे नाव: कळंबोली-रोडपाली, कामोठे, नवीन पनवेल, आसुडगाव, टेंभोडे, काळुंद्रे, खारघर, ओवे, देवीचा पाडा, पालेखुर्द
4.शुभम गायकवाड
मोबाईल क्रमांक9420606699
गावाचे नाव:पडघे, वळवली, तळोजे पाचनंद, नावडे, तोंडरे, पेंधर, खिडूकपाडा.
