खारघर ओवे कॅम्प मधील पाणी प्रश्न त्वरित सोडवा -बाळासाहेबांची शिवसेना गटाची पनवेल महानगरपालिकेकडे मागणी
खारघर (प्रतिनिधी) -ओवे कॅम्प खारघर, म्हणजे कोयना विस्थापित नागरिकांना, पुनः प्रस्थापित करण्याकरिता वसलेलं गाव. ओवे कॅम्प हे खारघर मधील निसर्गरम्य पांडवकडा डोंगरा लगत असून, बहुतांश मंडळी मराठा समाजाचे असलेले अढळते. तसेच, मुख्यमंत्री श्री एकनाथ शिंदे यांच्याशी थेट नातं असल्याचे काही मंडळी राहत असल्याचेही इथे बोलले जाते.
मात्र, मागील पाच वर्षांपासून, डोंगराचे उतखन प्रक्रिया मूळे उदभवणाऱ्या ध्वनी प्रदूषण, तसेच गावाला मुख्य रस्त्याला जोडणारा रस्ता दैननीय दुरावस्था , तसेच पाण्याची तीव्र टंचाई, असे अनेक कारणांमुळे , येथील सर्व नागरिक बेजार झालेले आहेत. पाणीटंचाई तर इतकी भीषण आहे की, खारघर सारख्या सुसज्ज ठिकाणी वसलेल्या गावामध्ये एक दिवस आड आणि तेही फक्त एक ते दोन तास प्रत्येक घराला पाणी उपलब्ध होते.
ऑगस्ट महिन्यामध्ये, पनवेल महानगरपालिकेने एका पत्राद्वारे, सिडको प्रशासनाने मान्यता दिल्याप्रमाणे, 50 एम एम घेरा असलेल्या पुरवठा पाईपलाईन मध्ये वृद्धी करून शंभर एमएम करण्यास मान्यता पत्र दिल्याने, गावामध्ये लवकरच मोठी पाईपलाईन टाकण्याचे लिखित आश्वासन घोषित केले होते.
मात्र दोन महिने उलटले तरीही, हे काम प्रगतीहीन व प्रलंबित पथावर आढळल्याचे लक्षात येताच, शिंदे गटाचे, *महानगर संघटक* श्री मंगेश रानवडे यांनी जिल्हा संपर्क प्रमुख *श्री रामदास शेवाळे* यांच्या निदर्शनास हि बाब आणून परिस्थितीचे गांभीर्य समजावून दिले . संपर्क प्रमुख *श्री रामदास शेवाळे* यांच्या अध्यक्षतेखाली, बाळासाहेबांची शिवसेने गटाचे शिष्ट मंडळ, व ओवे कॅम्प मधील रहिवाशी यांनी आज दिनांक सात नोव्हेंबर 2022 रोजी, पनवेल महानगरपालिकेचे आयुक्त *श्री गणेश देशमुख* यांची भेट घेऊन ही समस्या लवकरात लवकर सोडवावी याबाबतचे निवेदन पत्र सादर केले.
शिष्टमंडळामध्ये, *महानगर संघटक श्री मंगेश रानवडे,खारघर शहर संघटक श्री इम्तियाज शेख, श्री मुनाफ अमरेली व श्री झोयेब शेख*, तसेच ओवे कॅम्पमधून *श्री निवृत्ती सकपाळ व श्री गणेश रेवणे,* या चर्चा सभेमध्ये उपस्थित होते.
पनवेल महानगरपालिकेचे आयुक्त *श्री गणेश देशमुख* यांनी उपस्थित सर्वांना आश्वासित केले की लवकरात लवकर ओवे कॅम्प येथील रहिवाशांच्या पाणीटंचाई बाबत तोडगा काढण्यासाठी महानगरपालिका कटिबद्ध राहील.
