भाजपा नगरसेवकांच्या प्रयत्नाने खारघर सेक्टर २० येथील भरवस्तीत असलेले मच्छीमार्केट सेक्टर १४ येथील राखीव असलेल्या भूखंडावर स्थलांतरित करण्याचा निर्णय
खारघर (प्रतिनिधी)- गेली काही वर्षे सेक्टर २० येथील भरवस्तीत असलेल्या मच्छिबाजाराच्या संदर्भामध्ये आजूबाजूच्या इमारतीत राहणार्या रहिवाश्यानकडून अनेक तक्रारी खारघर येथील भारतीय जनता पार्टीच्या मध्यवर्ती कार्यालयात येत होत्या.भाजपाचे नगरसेवक तथा पदाधिकारी यांनी अनेक निवेदने सिडकोच्या अधिकाऱ्यांना दिली होती.येथे मोठ्या प्रमाणात मासे व मटणाचे भाग कुजल्याने नेहमीच घाण व दुर्गंधी पसरत असते.आजूबाजूच्या रहिवाशांना इमारतीत ये-जा करताना प्रचंड प्रमाणात त्रास सहन करावा लागत आहे.सदर बाब अनेकवेळा सिडकोच्या अधिकार्यांच्या निदर्शनास आणूनही नेहमीच चालढकल करण्यात येत होती.
