नगरसेविका नेत्रा किरण पाटील यांनी खारघर सेक्टर-२० मधील नाले सफाईच्या कामांची पाहणी केली
खारघर (प्रतिनिधी)- नगरसेविका नेत्रा किरण पाटील यांनी आपल्या प्रभागातील सेक्टर 20 मध्ये पावसाळ्यापूर्वी करण्यात येत असलेल्या नाले सफाईच्या कामांचा आढावा घेतला व पनवेल महानगरपालिकेच्या अधिकारी व कर्मचाऱ्यांना योग्य त्या सूचना देत स्वच्छता करून घेण्यात यावी असे सांगितले. यावेळी पनवेल महानगरपालिकेचे स्वच्छता निरीक्षक अतुल मोहकर, सुपरवायझर विश्वास पाटील, भाजपाचे मा.सचिव भरत कोंढाळकर, संदीप एकबोटे, अवघडे काका यांच्यासह इतर नागरिक उपस्थित होते.
