गाडीचा टायर फुटून झालेल्या अपघात एक ठार दोन जखमी
पनवेल दि. २३ ( संजय कदम ) : एका चार चाकी गाडीचा टायर फुटून गाडीला झालेल्या अपघातात गाडीतील एक ठार तर दोघे जण जखमी झाल्याची घटना पनवेल जवळील पुणे - मुंबई एक्स्प्रेस लेन वर कि .मी . ९/६०० येथे सोमवारी सकाळी ५.४५ या वेळी घडली आहे .
पुणे बाजू कडून चालक कल्पेश सुभाष शेवाळे ( वय २७ ) हा त्याच्या ताब्यातील व्हॅगनर गाडी क्रमांक एम एच ०२ बी आर ४८७२ ही घेऊन पुणे बाजू कडून मुंबई बाजू कडे जात असताना पनवेल जवळील पुणे - मुंबई एक्स्प्रेस लेन वर कि .मी . ९/६०० येथे त्याच्या गाडीचा एक टायर फुटल्याने गाडीवरील ताबा सुटून झालेल्या अपघातात गाडीत असलेला त्याचा मोठा भाऊ तेजस शेवाळे ( वय २८ ) हा जखमी होऊन मयत झाला आहे, तर तेजस याची पत्नी सोनल शेवाळे ही व कल्पेश हे दोघे जखमी झाले आहेत . या अपघाताची नोंद पनवेल तालुका पोलीस ठाण्यात करण्यात आली आहे .
