श्रीगांव येथे उत्साहात शिवजयंती साजरी
पोयनाड(सचिन पाटील)-अलिबाग तालुक्यातील श्रीगाव येथे श्रीगाव ग्रामस्थ यांच्यावतीने मरिदेवी मंदीरात शिवजयंती उत्सव जल्लोषात साजरा करण्यात आला. शिवरायांच्या मुर्तीची स्थापना केल्यानंतर शिवाजी महाराजांची पालखी मिरवणुक काढण्यात आली. या मिरवणुकीत असंख्य शिवभक्त सामिल होऊन छत्रपती शिवाजी महाराजांचा जयघोष करत होते.
शिवजयंतीच्या या कार्यक्रमात गावांतील सर्व अबाल-वृद्ध आणि महिला उपस्थित होत्या.सर्वत्र आनंद आणि उत्साहाचे भरते आले होते."जय भवानी-जय शिवाजी"च्या घोषणांनी संपूर्ण गावाचा परिसर दुमदुमून गेला होता."एक गाव-एक शिवजयंती" या अलिखित नियमांनुसार गावातील सर्वपक्षिय कार्यकर्ते आणि पदाधिकारी शीवछत्राखाली एकत्र आले होते.
