पनवेलमध्ये आयपीपीएल; आमदार प्रशांत ठाकूर यांच्या हस्ते उदघाटन

पनवेल(प्रतिनिधी) इंटर पनवेल क्रिकेट कमिटी आणि ठाकूर इन्फ्राप्रोजेक्ट्स प्रायव्हेट लिमिटेड कंपनीच्या वतीने शहरातील मिडलक्लास हौसिंग सोसायटीच्या भव्य मैदानावर आयोजित करण्यात आलेल्या आयपीपीएल 'इंटर पनवेल प्रिमियर लीग २०२२' क्रिकेट स्पर्धेला आज(दि. १९) पासून पनवेलमध्ये सुरुवात झाली असून या स्पर्धेचे उदघाटन भाजपचे उत्तर रायगड जिल्हाध्यक्ष आमदार प्रशांत ठाकूर यांच्या हस्ते करण्यात आले.

यावेळी प्रमुख पाहुणे म्हणून नगरसेवक अनिल भगत, नितीन पाटील, राजू सोनी, नगरसेविका दर्शना भोईर, माजी उपनगराध्यक्ष मदन कोळी, उल्हास झुंझारराव, प्रशांत झुंझारराव, केदार भगत, स्वप्निल ठाकूर, इंटर पनवेल क्रिकेट कमिटीचे अध्यक्ष सुमित झुंझारराव, उपाध्यक्ष प्रसाद नलावडे, खजिनदार निशांत पावसकर, राजू पटेल, महेश उरणकर, निलेश परदेशी, अश्विन पुजारी, अजय मते, यतीन मानकामे, यांच्यासह क्रिकेटप्रेमी उपस्थित होते. दोन दिवस चालणाऱ्या या स्पर्धेत आठ संघ आपले कसब दाखवणार आहेत. या लीग स्पर्धेतील विजेत्या संघास ०१ लाख रुपये, उपविजेत्या संघास ५० हजार रुपये आणि चषक देऊन सन्मानित करण्यात येणार आहे. तसेच या स्पर्धेत मालिकावीर, उत्कृष्ट फलंदाज, उत्कृष्ट गोलंदाज, उत्कृष्ट क्षेत्ररक्षण यांना बक्षिसांनी गौरविण्यात येणार आहे.