पालकमंत्री आदिती तटकरे यांच्या हस्ते पनवेलच्या उपजिल्हा रुग्णालयात डायलिसिस सेंटर चे उदघाटन-विरोधी पक्षनेते प्रितम म्हात्रे यांच्या पाठपुराव्याला यश

पालकमंत्री आदिती तटकरे यांच्या हस्ते पनवेलच्या उपजिल्हा रुग्णालयात डायलिसिस सेंटर चे उदघाटन-विरोधी पक्षनेते प्रितम म्हात्रे यांच्या पाठपुराव्याला यश


पनवेल(प्रतिनिधी) :- पनवेल येथील नानासाहेब धर्माधिकारी उपजिल्हा रुग्णालयात डायलिसिस सेंटर सुरू करावे अशी मागणी विरोधी पक्षनेते श्री.प्रितम म्हात्रे यांच्या मार्गदर्शनाखाली नगरसेविका प्रीती जॉर्ज, डॉ.सुरेखा मोहोकर,सारिका भगत आणि पनवेल महानगरपालिके मधील महाविकास आघाडीच्या नगरसेवकांनी केली होती. डायलिसिस सेंटर आणि ब्लड स्टोरेज युनिट चे आज  पालक मंत्री नामदार कु.आदितीताई तटकरे यांच्या हस्ते उद्घाटन करण्यात आले. या कार्यक्रमाला विरोधी पक्षनेते प्रितम म्हात्रे,काँग्रेसचे जिल्हाध्यक्ष आर.सी.घरत, राष्ट्रवादी काँग्रेस सरचिटणीस प्रशांत पाटील, शेकाप जिल्हा चिटणीस गणेश कडू, राष्ट्रवादी काँग्रेस नेते सतीश पाटील, शिवदास कांबळे, सुदाम पाटील नगरसेवक गोपाळ भगत, रवींद्र भगत, डॉ. सुरेखा मोहोकर, प्रीती जॉर्ज, मा.उपनगराध्यक्ष गणेश म्हात्रे, मा.नगरसेवक डी. पी.म्हात्रे, काँग्रेस नेत्या निर्मला म्हात्रे, शशिकला सिंग, ताहीर पटेल व कार्यकर्ते उपस्थित होते. डायलेसिस करण्याचा खर्च हा सामान्य नागरिकाच्या आवाक्या बाहेर आहे जर सेंटर सुरू झाले तर त्याचा लाभ पनवेल मधीलच नाही तर पनवेलच्या आजूबाजूच्या तालुक्यातील नागरिकांना होणार आहे.

        पनवेल शहरातील तीर्थरूप नानासाहेब धर्माधिकारी उपजिल्हा रुग्णालयात डायलिसिस सेंटर सुरू करण्यास काही महिन्यापासून लागणारी उपकरणे देखील येथे बसवण्यात आलेली होती. परंतु तज्ञांची निवड करण्यात आली नसल्याने रुग्णांची गैरसोय होत होती. रायगड जिल्ह्यातून येथे उपचार घेण्यासाठी अनेक रुग्ण येत असतात. किडनी आणि मूत्रपिंडाच्या आजाराने त्रस्त रुग्णांना खासगी रुग्णालयात उपचार घेणे खर्चिक असल्याने जिल्ह्यातील रुग्ण दगावण्याची संख्यादेखील वाढत होत होती, त्यामुळे तातडीने संबंधित विभागास आदेश देऊन नानासाहेब धर्माधिकारी उपजिल्हा रुग्णालयात तज्ञांची निवड करून सेंटर सुरू करण्यात यावी अशी मागणी विरोधी पक्षनेते प्रितम म्हात्रे  यांनी आरोग्यमंत्री आणि, राज्याच्या राज्यमंत्री व रायगड जिल्ह्याच्या पालकमंत्री आदिती तटकरे यांच्याकडे केली होती. त्यांच्या या मागणीला यश आले आहे. नवीन वर्षात डायलेसिस सेंटर सुरू होत असल्याने पनवेलकराना ही नववर्षाची भेट आहे. 

       पनवेलचे डायलेसिस सेंटर सुरू होत असल्याने त्याचा लाभ गोर गरीब आणि गरजू नागरिकाना होणार आहे.

कोट

*आमच्या आरोग्य विषयक मागणीत जलद निर्णय घेऊन पालकमंत्र्यांनी त्वरित कार्यवाही केली आणि पनवेल येथे डायलिसिस केंद्र सुरू करण्यास प्राधान्य दिले  त्याबद्दल त्यांचे महाविकास आघाडी पनवेलच्या वतीने मनापासून आभार:- -प्रितम म्हात्रे (विरोधी पक्षनेते, पनवेल महानगरपालिका)*

Popular posts
क्रिकेट सामन्यांचे शेकाप नेते प्रीतम म्हात्रे यांच्या हस्ते उद्घाटन
Image
प्रवेशद्वाराचे शेकाप नेते प्रीतम म्हात्रे यांच्या हस्ते भूमिपूजन
Image
मेडिकवर हॉस्पिटलमध्ये मिट्राक्लिप प्रक्रियेनंतर ७८ वर्षीय रुग्णाच्या हृदयविकारावर यशस्वी उपचार
Image
पनवेल युवा चे संपादक निलेश सोनावणे याना मुंबई विद्यापीठाचे मा कुलगुरू तथा मा खासदार डॉ भालचंद्र मुणगेकर यांच्या हस्ते साने गुरुजी राष्ट्र प्रेरणा पुरस्कार प्रदान
Image
जितेंद्र म्हात्रेंना राष्ट्रपती पोलीस पदक जाहीर!पनवेल तालुका पोलीस ठाण्यात कर्तव्यावर
Image