पुढच्या वर्षी राज्यस्तरीय दिवाळी सर्वोत्कृष्ट अंकाला ०१ लाख तर रायगड जिल्हास्तरीय अंकाला ५० हजाराचे बक्षिस - लोकनेते रामशेठ ठाकूर यांची घोषणा

मातृभाषेत निर्णय क्षमता - ज्येष्ठ कवी व साहित्यिक रामदास फुटाणे 

कर्तृत्व आणि दातृत्व असलेले लोकनेते रामशेठ ठाकूर एकमेव व्यक्तिमत्व ज्येष्ठ कवी व साहित्यिक रामदास फुटाणे 

पुढच्या वर्षी राज्यस्तरीय दिवाळी सर्वोत्कृष्ट अंकाला ०१ लाख तर रायगड जिल्हास्तरीय अंकाला ५० हजाराचे बक्षिस - लोकनेते रामशेठ ठाकूर यांची घोषणा 



पनवेल(हरेश साठे)  पुस्तकातून आत्मसंवाद आणि त्यातून निर्णय घेण्याची क्षमता निर्माण होते, त्यामुळे  इंग्रजी ज्ञानभाषा असली तरी निर्णय क्षमता मातृभाषेत आहे, असे प्रतिपादन  ज्येष्ठ कवी व साहित्यिक रामदास फुटाणे यांनी राज्यस्तरीय दिवाळी अंक पारितोषिक वितरण समारंभात खांदा कॉलनी येथे केले. 
शैक्षणिकसामाजिक, वैद्यकीय, कलाक्रीडासांस्कृतिक अशा विविध क्षेत्रात उल्लेखनिय कार्य करणाऱ्या श्रीरामशेठ ठाकूर सामाजिक विकास मंडळ आणि मुंबई मराठी पत्रकार संघ यांच्या संयुक्त विद्यमाने आयोजित करण्यात आलेल्या १८१९ आणि २० व्या राज्यस्तरीय  रायगड जिल्हास्तरीय या सर्वात मोठ्या दिवाळी अंक स्पर्धेचा पारितोषिक वितरण समारंभ माजी खासदार लोकनेते रामशेठ ठाकूर यांच्या अध्यक्षतेखाली (बुधवार, दि. ०५ जानेवारी) खांदा कॉलनी येथील सीकेटी महाविद्यालयात (स्वायत्त)  मोठ्या उत्साहात आणि समारंभपूर्वक संपन्न झाले. त्यावेळी प्रमुख पाहुणे म्हणून रामदास फुटाणे बोलत होते.
         कोरोना संदर्भातील नियमांचे पालन करून झालेल्या या कार्यक्रमास प्रमुख पाहुणे म्हणून माहिती आणि जनसंपर्क महासंचालनालय महासंचालक दिलीप पांढरपट्टे, ललित मासिकाचे स्तंभलेखक रविप्रकाश कुलकर्णी, मुंबई मराठी पत्रकार संघाचे अध्यक्ष नरेंद्र वाबळे, श्री. रामशेठ ठाकूर सामाजिक विकास मंडळाचे उपाध्यक्ष अरुणशेठ भगत, जनार्दन भगत शिक्षण प्रसारक संस्थेचे कार्याध्यक्ष वाय. टी. देशमुख, भाजपचे शहर अध्यक्ष जयंत पगडे, नगरसेवक अनिल भगत, मनोज भुजबळ, प्रभाग समिती सभापती सुशिला घरत, हेमलता म्हात्रे, ज्येष्ठ पत्रकार नीला उपाध्ये, दीपक म्हात्रे, तसेच साहित्यप्रेमी उपस्थित होते.  कार्यक्रमाच्या सुरुवातीस अनाथांची आई सिंधुताई सपकाळ यांना श्रद्धांजली अर्पण करण्यात आली.  
          राज्यस्तरीय २०१८ च्या स्पर्धेत प्रथम क्रमांक 'अधोरेखित' दिवाळी अंकाने, द्वितीय क्रमांक 'चतुरंग अन्वय', तृतीय क्रमांक 'झपूर्झा', सर्वोत्कृष्ट बाळ दिवाळी अंक 'वयम', उत्कृष्ट विशेषांक 'ऍग्रोवन', उत्कृष्ट कथा 'चंद्रकांत', उत्कृष्ट व्यंगचित्र ' हास्यधमाल', उत्कृष्ट मुखपृष्ठ 'दीपावली', सन २०१९ च्या स्पर्धेत प्रथम क्रमांक  'शाश्वत वनीकरण' आणि 'उद्याचा मराठवाडा', द्वितीय क्रमांक (विभागून) 'दीपावली' आणि 'पुरुष उवाच', तृतीय क्रमांक (विभागून) 'दुर्ग-शोध गडकिल्यांचा' आणि 'दुर्गाच्या देशातून', उत्कृष्ट विशेषांक 'समपथिक', उत्कृष्ट कविता 'खोडलेली कविता- कालनिर्णय', उत्कृष्ट व्यंगचित्र 'दीपावली', उत्कृष्ट मुखपृष्ठ 'चतुरंग अन्वय', उत्कृष्ठ अंतर्गत सजावट 'अक्षरधारा' तर सन २०२० च्या स्पर्धेत 'अनलॉक' आणि 'लोकदीप' या अंकांनी विभागून प्रथम क्रमांक, 'संवादसेतू' व 'आंतर-भारती' या अंकांनी विभागून द्वितीय क्रमांक, 'कुबेर' व 'ओंजळीतील अक्षरे' या अंकांनी विभागून तृतीय क्रमां, सर्वोत्कृष्ट बाळ दिवाळी अंक 'छावा', उत्कृष्ट विशेषांक 'तेजोमय', उत्कृष्ट कथा 'पॉपी टिअर(व्यासपीठ)', उत्कृष्ट कविता- काळ ('खरवडून पाहीन म्हणते'), उत्कृष्ट व्यंगचित्र 'आक्रोश (संजय मिस्त्री)', उत्कृष्ट मुखपृष्ठ 'दीपावली', उत्कृष्ठ अंतर्गत सजावट 'किल्ला' या अंकांने तर रायगड जिल्हास्तरीय २०१८ च्या स्पर्धेत  'साहित्यआभा' अंकाने प्रथम, 'लोकसेवक' अंकाने द्वितीय क्रमांक, तृतीय क्रमांक 'उरण समाचार', सन २०१९ च्या स्पर्धेत प्रथम क्रमांक 'पर्ण', 'उरण समाचार' ने द्वितीय तर तृतीय क्रमांक वादळवारा अंकाने तसेच सन २०२० च्या स्पर्धेत 'आगरी दर्पण'ने प्रथम, 'इंद्रधनु' ने द्वितीय तर 'रामप्रहर' अंकाने तृतीय क्रमांक पटकाविला. त्यांना उपस्थित मान्यवरांच्या हस्ते पारितोषिक रक्कम धनादेश आणि सन्मानचिन्ह देऊन सन्मानित करण्यात आले. या स्पर्धेचे परिक्षक म्हणून ज्येष्ठ पत्रकार नीला उपाध्येअरविंद कुलकर्णीप्राडॉदीपा ठाणेकरमहेश कुलसंगेप्रा. नम्रता पाटीलसुनिल कर्णिकप्राडॉअलका मटकरप्राजयप्रकाश लब्देविजय कुलकर्णीप्रावर्षा माळवदेनम्रता कडूरामदास खरेप्रतिष्ठा सोनटक्के यांनी काम पाहिले. कार्यक्रमाचे प्रास्ताविक दीपक म्हात्रे यांनी तर परीक्षक मनोगत नीला उपाध्ये यांनी व्यक्त केले. यावेळी आयोजित करण्यात आलेल्या दिवाळी अंकाच्या प्रदर्शनाचा लाभ साहित्यप्रेमींनी घेतला.  तसेच दिवाळी अंक स्पर्धेसंदर्भात मल्हार टीव्हीच्या माध्यमातून सादर झालेल्या डॉक्युमेन्ट्रीचे उपस्थित मान्यवर व साहित्यप्रेमींनी कौतुक केले. 
       पुढे बोलताना रामदास फुटाणे यांनी म्हंटले कि, मराठी महाराष्ट्राची राजभाषा असताना महाराष्ट्रातील अनेक मंत्री प्रसारमाध्यांना मराठीत बाईट दिल्यानंतर पुन्हा हिंदी भाषेत त्याचे रूपांतर करत बाईट देतात, हा अवघड प्रश्नच असून मराठीच्या मारेकरींचा शोध लावला पाहिजे, असेही त्यांनी त्यांच्या शैलीत सांगत मराठीला स्वतःहून सन्मान दिला पाहिजे, असे अधोरेखित केले. दिवाळी अंकांनी साहित्य घडविण्याचे काम केले. मराठी साहित्याला प्रोत्साहन देण्यासाठी लोकनेते रामशेठ ठाकूर यांनी नैतिक जबाबदारी उचलली आहे, म्हणून भरघोस रक्कमेची पारितोषिके असलेली राज्यातील सर्वात मोठी स्पर्धा असल्याची पोचपावती रामदास फुटाणे यांनी दिली. यावेळी रामदास फुटाणे यांनी कोरोना व इतर विषयांवर कविता सादर करत अदृश्य कोरोनानारे जगण्याचे भान दिले असल्याचे आवर्जून नमूद केले. राज्यातील कानाकोपऱ्यातून दिवाळी अंक या स्पर्धेसाठी येतात हि अभिनंदनीय बाब आहे, असे सांगतानाच हि स्पर्धा एक उत्तम व्यासपीठ असल्याचे त्यांनी स्पष्ट केले. लोकनेते रामशेठ ठाकूर यांच्याकडे समाजसेवा, शिक्षणसेवा, सांस्कृतिक सेवा असे विविध गुण आहेत. एकाच व्यक्तीत एवढे कर्तृत्व आणि दातृत्व असलेले लोकनेते रामशेठ ठाकूर एकमेव असतील असे गौरवोद्गार काढत हे आदर्श व्यक्तिमत्व मला सुद्धा प्रेरणा देतो, असेही त्यांनी दिलखुलासपणे सांगितले. 

कोट- मराठी साहित्य संस्कृतीला उज्ज्वल परंपरा असून दिवाळी अंक यातील एक महत्वाचा भाग आहे. 'दिवाळी अंक हा मराठी संस्कृतीचा अविभाज्य भाग आहे. दिवाळीला जसे दारात आकाशकंदील लागतात, तसे मनामनात विचारांचे कंदील चेतवण्याचे काम दिवाळी अंक करतात. साहित्य आपल्याला आत्मिक सुख देतो त्यामुळे मातृभाषेची किंमत अनन्य साधारण आहे. - लोकनेते रामशेठ ठाकूर 

 चौकट- 
भरघोस पारितोषिक असलेली हि सर्वात मोठी दिवाळी अंक स्पर्धा. राज्यस्तरीय प्रथम क्रमांकाला ७५ हजार रुपये आणि जिल्हास्तरीय प्रथम क्रमांक ३० हजार रुपये असे स्वरूप. लोकनेते रामशेठ ठाकूर त्यांच्या भाषणाला उभे राहिले. यांनी पुढच्या वर्षीपासून राज्यस्तरीय प्रथम क्रमांकासाठी थेट ०१ लाख रुपये तर जिल्हास्तरीय प्रथम क्रमांकासाठी ५० हजार रुपयाचे बक्षिस देण्याचे जाहीर केले. आणि पुढच्या क्षणातच टाळ्यांच्या कडकडाट सर्व साहित्यिक, कवी, लेखक, निर्माते, साहित्यप्रेमींनी लोकनेते ठाकूर यांच्याप्रती आभार व्यक्त केले. लोकनेते रामशेठ ठाकूर एवढ्यावरच थांबले नाहीत, तर प्रथम दिवाळी अंकाचे प्रणेते का. घ. मित्र यांच्या जीवनावर साहित्य विश्वात एकही पुस्तक अद्यापपर्यँत अस्तित्वात आले नाही याची खंत या कार्यक्रमात रविप्रकाश कुलकर्णी यांनी व्यक्त केली होती. त्यावर बोलताना तुम्ही पुस्तकाच्या निर्मितीच्या कामाला लागा. मी  का. घ. मित्र यांचे चरित्र रूप पुस्तकरुपी आणण्यासाठी सर्वोतपरी मदत करेन, असे लोकनेते रामशेठ ठाकूर यांनी जाहीर करत त्यांना आश्वस्थ केले. त्यामुळे या समारंभात लोकनेते रामशेठ ठाकूर यांनी साहित्यप्रेमींच्या भावना जपत त्यांना बळ देण्याचे काम केल्याची प्रतिक्रिया साहित्यप्रेमींनी दिली. 

कोट -  कोरोनाच्या संकटात लाटा येतच रहाणार आहेत. कितीही लाटा येऊ द्या पप्रत्येक क्षण आनंदाने जगले पाहिजे. २०२०- २१ मध्ये जिवंत राहण्याचे चॅलेंज होते ते वर्ष सरले पण आता प्रत्येकाने स्वतःची काळजी घेणे गरजेचे आहे.  लोकनेते रामशेठ ठाकूर आणि माझी जुनी ओळख आहे, आजही त्यांच्याकडे जाण, नम्रपणा, आहे. त्यामुळे संवेदनशील व्यक्तिमत्व म्हणून त्यांच्याप्रती भावना आहेत.
                                                                                                                                               - दिलीप पांढरपट्टे 

कोट - लोकनेते रामशेठ ठाकूर यांच्या आशीर्वादामुळे या स्पर्धेचे आयोजन केले जात असून महाराष्ट्रातील सर्वात मोठी स्पर्धा म्हणून सुपरिचित आहे. दिवाळी अंक महाराष्ट्राचा सांस्कृतिक ठेवा आहे आणि त्याला प्रोत्साहन देणारे लोकनेते रामशेठ ठाकूर. आमदार प्रशांत ठाकूर यांचे आभार. मुंबई मराठी पत्रकार संघाच्या इतिहासात सर्वात मोठी देणगी लोकनेते रामशेठ ठाकूर यांनी दिली असून त्यांचे आम्ही सदैव ऋणी आहोत. - नरेंद्र वाबळे 


राज्यस्तरीय दिवाळी अंक स्पर्धा पारितोषिक 
प्रथम क्रमाक- ७५ हजार रुपये व सन्मानचिन्ह 
व्दितीय क्रमांक- ३५ हजार व सन्मानचिन्ह 
तॄतीय क्रमांक- २० हजार रूपये व सन्मानचिन्ह 
उत्कॄष्ट कथा - ०७ हजार रूपये
 उत्कॄष्ट कविता - २५०० रूपये
 उत्कॄष्ट व्यंगचित्र- २५०० रुपये 
 उत्कृष्ट विशेषांक ०५ हजार रुपये, \
 उत्कृष्ठ मुखपृष्ठ ०५ हजार रुपये
 सवोत्कॄष्ट बालसाहित्य -  ७५०० रूपये 

 रायगड जिल्हास्तरीय दिवाळी अंक स्पर्धा पारितोषिक 
प्रथम क्रमांक-  ३० हजार रूपये व सन्मानचिन्ह 
व्दितीय क्रमांक- १५ हजार रूपये व सन्मानचिन्ह 
तॄतीय क्रमांक- ७५०० रूपये व सन्मानचिन्ह 






Popular posts
क्रिकेट सामन्यांचे शेकाप नेते प्रीतम म्हात्रे यांच्या हस्ते उद्घाटन
Image
मेडिकवर हॉस्पिटलमध्ये मिट्राक्लिप प्रक्रियेनंतर ७८ वर्षीय रुग्णाच्या हृदयविकारावर यशस्वी उपचार
Image
पनवेल युवा चे संपादक निलेश सोनावणे याना मुंबई विद्यापीठाचे मा कुलगुरू तथा मा खासदार डॉ भालचंद्र मुणगेकर यांच्या हस्ते साने गुरुजी राष्ट्र प्रेरणा पुरस्कार प्रदान
Image
प्रवेशद्वाराचे शेकाप नेते प्रीतम म्हात्रे यांच्या हस्ते भूमिपूजन
Image
जितेंद्र म्हात्रेंना राष्ट्रपती पोलीस पदक जाहीर!पनवेल तालुका पोलीस ठाण्यात कर्तव्यावर
Image