जय हिंद फाऊंडेशनच्यावतीने शौर्य दिनानिमीत्त राबविण्यात आलेल्या कार्क्रमाला आमदार प्रशांत ठाकूर यांची उपस्थिती
जय हिंद फाऊंडेशनच्यावतीने शौर्य दिनानिमीत्त देशभरात विविध उपक्रम राबविण्यात आले. त्याअंतर्गत फाऊंडेशनच्या वतीने कोरोना महामारीच्या काळात आपले मदत कार्य सुरु ठेवत कौतुकास्पद कामगिरी करणार्‍या आजी माजी सैनिक, पोलिस आधिकारी आणि कर्मचार्‍यांच्या सत्कार सोहळा बुधवारी आयोजीत करण्यात आला होता. हा सत्कार सोहळा भाजपचे उत्तर रायगड जिल्हाध्यक्ष आमदार प्रशांत ठाकूर यांच्या प्रमुख उपस्थितीत आणि सीडब्लूएच्या सेक्टर हेड रितु दत्ता यांच्या अध्यक्षतेखाली संपन्न झाला.
पाकिस्तानने भारताच्या उरी या लष्करी केंद्रावर हल्ला केल्याच्या पार्श्वभूमीवर भारताने २८ सप्टेंबर २०१६ च्या मध्यरात्री पाकव्याप्त काश्मीरमध्ये दहशतवाद्यांच्या तळावर हल्ला केला. यात भारतात घुसखोरीस सज्ज असलेले अनेक दहशतवादी ठार झाले. हा दिवस देशभरात शौर्य दिन म्हणून साजरा केला जातो. त्याअंतर्गत या दिनाचे औचित्यसाधत २०१७ पासून जय हिंद फाऊंडेशनच्यावतीने दरवर्षी शहीद माता पिता आणि पत्नीसांठी आणि त्यांच्या परिवारासठी विविध समाजिक उपक्रम राबविलेल जातात. त्याअंतर्गत फाऊंडेशनाच्यावतीने कोरोना महामारीच्या काळाता आपल्या जिवाची पर्वा न करता आपले मदत कार्य सुरु ठेवणारे आजी माजी सैनिक, सीआरपीएफ, मुंबई आणि नवी मुंबई पोलिसचे अधिकारी आणि कर्मचार्‍यांच्या सत्कार करण्यात आला. तसेच वांगणी रेल्वे स्थानकात स्वत:च्या जीवाची बाजी लावत एका लहान मुलाचा जीव वाचवणारे मयुर शेळके, ५० आदिवासी मुलांना दत्तक घेणार्‍या मुंबई पोलिस दलाच्या महिला कर्मचारी रेहाना शेख आणि अलिबाग येथे प्रवासी वाहतुक बोटीच्या अपघातात ८० जणांचे प्राण वाचवणारे रायगड पोलिस दलातील प्रशांत घरत यांचा विशेष कौतुक म्हणून सन्मान करण्यात आला. खारघर येथील लॅण्डमार्क बिल्डींगमध्ये आयजिीत करण्यात आलेल्या या सत्कार सोहळ्यामध्ये सर्व सन्मानकर्त्यांना मान्यवरांच्याहस्ते भारतीय सविधानाची प्रत आणि प्रमाणपत्र देऊन त्यांना गौरव करण्यात आला. या कार्यक्रमाला जय हिंद फाऊंडेशनचे राष्ट्रीय अध्यक्ष संदीप माने, सचीव हनुमंत मांढरे, संस्थापकीय सदस्य वैशाली माने, पनवेल महापालिकेचे नगरसेवक ऍड. नरेश ठाकूर, भारतीय जनता पार्टीचे खारघर शहर अध्यक्ष ब्रिजेश पटेल, ऍड. भाउसाहेब जाधव, नामदेव मुंडे यांच्यासह पदधिकारी, आजी माजी सैनिक, पोलिस अधिकारी आणि कर्मचारी उपस्थित होते.
