क्रिकेटप्रेमी वसंत चौलकर यांचे निधन
पनवेल(प्रतिनिधी) गुळसुंदे येथील ज्येष्ठ नागरिक वसंत दशरथ चौलकर यांचे आज (सोमवार, दि. २० सप्टेंबर) वयाच्या ७३ व्या वर्षी अल्पशा आजाराने निधन झाले. त्यांच्या पश्चात पत्नी नंदा, मुलगा संतोष, स्वप्निल, संकेत, सुना, नातवंडे, असा परिवार आहे.
वसंत चौलकर यांच्या पार्थिवावर गुळसुंदे येथील स्मशानभूमीत कोरोनाचे नियम पाळून अंत्यसंस्कार करण्यात आले. यावेळी सामाजिक, शैक्षणिक, राजकीय क्षेत्रातील मान्यवर आणि नातेवाईक, ग्रामस्थ उपस्थित होते. वसंत चौलकर हे शांत व प्रेमळ आणि हसतमुख स्वभावाचे होते. क्रिकेट खेळावर त्यांचे नित्यांत प्रेम होते, त्यामुळे ते क्रिकेटप्रेमी म्हणून परिचित होते. त्यांचा दशक्रिया विधी बुधवार दिनांक २९ सप्टेंबरला गुळसुंदे श्रीक्षेत्र येथे तर उत्तरकार्य रहात्या घरी शनिवार ०२ ऑक्टोबर रोजी होणार आहे.
