जे.एम. म्हात्रे चॅरिटेबल संस्थेच्या निधीतून साकारली संरक्षण जाळी
पनवेल ः करंजाडे वसाहतीतील सेक्टर 3 येथील सोसायटीकडून तयार करण्यात आलेल्या गार्डनला रहिवासी यांच्या मागणीनुसार जे.एम. म्हात्रे चॅरिटेबल संस्था यांच्या निधीतून संरक्षण जाळी बसविण्यात आली आहे. त्याचे उदघाटन शेकाप खजिनदार प्रितम म्हात्रे यांच्या वाढदिवसाचे औचित्य साधून बुधवारी करण्यात आले. यावेळी नागरिकांच्या मागणी नुसार संरक्षण जाळी बसविली त्यावेळी जो मै बोलता हू वही मै करता हू असे प्रितम म्हात्रे यांनी सांगितले.
करंजाडे वसाहतीमधील सेक्टर 3 परिसरातील सोसायटीच्या नागरिकांनी एकत्र येत इमारतीच्या बाजूला गार्डन तयार केले आहे. यामध्ये अनेक प्रकारच्या वृक्षाची लागवड केली आहे. याची निगा सोसायटीवासिय राखत आहेत. मात्र या गार्डन ला संरक्षित जाळीची मागणी माजी सरपंच रामेश्वर आंग्रे यांच्याकडे केली होती. त्यानुसार आंग्रे यांनी शेकाप खजिनदार प्रितम म्हात्रे यांना या मागणीबाबत सांगितले. त्यानुसार तात्काळ या गार्डन जे.एम.म्हात्रे चॅरिटेबल संस्था यांच्या माध्यमातून संरक्षित जाळी बांधण्यात आली. त्यांचे उदघाट्न बुधवारी लोकांच्या मनातील आमदार शेकाप चे जिल्हा खजिनदार प्रितम जनार्दन म्हात्रे यांच्या हस्ते करण्यात आले. यावेळी करंजाडे वसाहतीच्या समस्याबाबत लवकरच सिडकोच्या वरिष्ठ अधिकार्यांसोबत बैठक लावून येथील प्रश्न, समस्या सोडविण्याचे प्रयत्न करणार असे म्हणत जो मै बोलता हू.. ओ मै 100 % करता हू...असे प्रितम म्हात्रे यांनी बोलताना सांगितले. यावेळी माजी सरपंच रामेश्वर आंग्रे यांनीही आपले मनोगत व्यक्त केले.