मत्स्यव्यवसाय विभागामार्फत राबविण्यात येणाऱ्या उपजीविका विषयक उपक्रमाकरिता इच्छुकांनी संपर्क साधावा- मत्स्यव्यवसाय सहायक आयुक्त संजय पाटील
अलिबाग,दि.28(जिमाका):- कांदळवन कक्ष, रायगड-अलिबाग यांच्याकडून युनायटेड नेशन डेव्हलपमेंट प्रोग्राम ग्रीन क्लायमेट फंड सहाय्यित Enhancing Climate Resilience in Coastal areas of India हा प्रकल्प राबविण्यात येणार आहे. या प्रकल्पांतर्गत उपजीविकाविषयक सी विड फार्मिंग, मासे मूल्यवर्धित उत्पादने, मत्स्य खाद्य उत्पादन घटक आणि मासे वाळवणी / धुरळणी केंद्र हे उपक्रम (प्रकल्प) राबविण्यात येणार आहेत.
या प्रकल्पाचे कार्यक्षेत्र रायगड जिल्ह्यातील श्रीवर्धन व अलिबाग हे तालुके असणार आहेत.
तरी या उपक्रमाचा लाभ घेण्यासाठी इच्छुक गट लाभार्थी यांनी सहाय्यक आयुक्त, मत्स्यव्यवसाय, रायगड-अलिबाग कार्यालयाशी किंवा कांदळवन कक्ष, अलिबाग कार्यालयाशी संपर्क साधावा. वरील उपक्रमांसाठी गट लाभार्थ्यास प्रकल्प किमतीच्या ९०% अनुदान व १०% लाभार्थीला गुंतवणूक करावी लागेल.
वरील उपजीविका विषयक उपक्रम माहितीसाठी सहाय्यक आयुक्त मत्स्यव्यवसाय, रायगड-अलिबाग अथवा कांदळवन कक्ष, रायगड-अलिबाग कार्यालयाशी संपर्क साधावा. अधिक माहितीसाठी संपर्क अधिकारी श्री. म. वि. नांदोस्कर, सहाय्यक मत्स्यव्यवसाय विकास अधिकारी, अलिबाग, भ्रमणध्वनी क्रमांक ८००७५२३५०५, श्री. दशरथ शिरसाट, जिल्हा समन्वय अधिकारी, रायगड (UNDP-GCF Project) भ्रमणध्वनी क्रमांक ७५०७४३७९३१
कार्यालयाचा पत्ता:- मत्स्यव्यवसाय विभाग तिसरा मजला, सिद्धी अपार्टमेंट, डॉ. पुष्पलता शिंदे हॉस्पिटलच्या समोर, अलिबाग पेण रोड, अलिबाग. पिन कोड ४०२२०१. ई-मेल आयडी acfalibag@gmail.com, कांदळवन कक्ष, अलिबाग कार्यालयाचा पत्ता- वन परीक्षेत्र अधिकारी, अलिबाग, अलिबाग रेवस रोड, खडतल पुलाजवळ, बामणोली, अलिबाग, येथे संपर्क साधावा, असे आवाहन सहाय्यक आयुक्त, मत्स्यव्यवसाय (तां) रायगड - अलिबाग,श्री.संजय पाटील यांनी केले आहे.
