पनवेलमध्ये रंगला धर्मविर सिनेमाचा धडाकेबाज प्रीमिअर, १००० लोकांनी पाहिला मोफत शो
नवीन पनवेल : पनवेल मधील आनंद दिघे युवा प्रतिष्ठान व शिवसेना पनवेल महानगर संघटक, मा. नगरसेवक ॲड. प्रथमेश चंद्रशेखर सोमण यांनी पनवेल मधील ओडियन मॉल येथे पीव्हीआर मल्टिप्लेक्स मध्ये धर्मवीर सिनेमाच्या प्रीमिअरचे व मोफत शोचे आयोजन केले होते. यावेळेस स्थानिक नागरिकांनी प्रचंड गर्दी केली. शुक्रवारी 13 मे रोजी "धर्मवीर .. मुक्काम पोस्ट ठाणे" हा आनंद दिघे यांच्या जीवनावरील आधारित चित्रपट संपूर्ण देशभरात प्रदर्शित झाला. याचेच औचित्य साधून प्रथमेश सोमण व त्यांच्या सहकाऱ्यांनी या चित्रपटाचा धडाकेबाज प्रीमियर आयोजित केला होता.
