अज्ञात त्रिकूटाने गॅस टॅंकर चालकाला मारहाण करून लुटले
पनवेल दि.२३ (संजय कदम) : अद्यात अज्ञात त्रिकूटाने गॅस टॅंकर चालकाला मारहाणकडून लुटल्याची घटना पनवेलजवळील मुंबई- पुणे एक्सप्रेस हायवेवर पुणे लेन किमी ९/८०० येथे घडली आहे.
गॅस टॅंकर चालक साजिद कयूम अंसारी (वय ३०) हा त्याच्या ताब्यातील गॅस टँकर क्र. एम.एच. १२ एन एक्स ८८८१ ने मुंबई - पुणे एक्सप्रेस हायवेने पुणे येथे जात असताना किमी ९/८०० येथे तेथे वाहन आले असता अंदाजे वीस ते पंचवीस वर्षे वयाच्या टीशर्ट व हाफ पॅन्ट घातलेल्या दोन इसमाने त्याची गाडी अडवून गाडीत चढून त्याला जबरदस्तीने खाली खेचून त्याचवेळी रस्त्याच्या बाजूला असलेल्या अंधारातून आलेल्या तीस ते पस्तीस वर्षे वयाच्या जीन्स पॅन्ट- टीशर्ट घातलेल्या एका इसमाने त्याच्या कपाळावर लाकडी काठीने मारून त्याला जखमी करून इतर दोघांनी त्याच्या हातातील मोबाईल व टीशर्टच्या खिशातील रोख रक्कम रुपये ७००० जबरदस्तीने हिसकावून घेऊन ते तिघे जण अंधारात पळून गेल्याने याबाबतची तक्रार पनवेल तालुका पोलिस ठाण्यात करण्यात आली आहे.
