कोकण विभागीय लोकशाही दिनी-2 अर्ज निकाली

नवी मुंबई, दि.14: कोंकण विभागीय लोकशाही दिन आज कोंकण भवनमध्ये उपायुक्त (सामान्य) श्री.मनोज रानडे यांच्या अध्यक्षतेखाली पार पडला. यावेळी नागरिकांनी आपल्या तक्रारी मांडल्या. त्यांच्या समस्या जाणून प्रकरणे उचित कार्यवाहीसाठी संबंधित कार्यालयाकडे पाठविण्यात आली.

यावेळीविभागीय स्तरावरील विविध विभागांचे अधिकारी उपस्थित होते. कोंकण विभागीय स्तरावर आतापर्यंत झालेल्या लोकशाही दिन कार्यक्रमात एकूण प्रलंबित अर्जांची संख्या 24 असून आज आलेल्या अर्जांची संख्या 26 असे एकूण प्राप्त अर्ज 50 होते. त्यापैकी आज 02 अर्ज निकाली काढण्यात आले. आज रोजी 48 तक्रारी प्रलंबित आहेत. लोकशाही दिनाच्या पार्श्वभूमीवर कोरोना प्रतिबंधक उपाय योजना करण्यात आल्या होत्या.