आमदार प्रशांत ठाकूर "सदगुणी आमदार"- वनमंत्री गणेश नाईक
जनहितासाठी लोकनेते रामशेठ ठाकूर यांचा नेहमीच पुढाकार - वनमंत्री गणेश नाईक
आमदार प्रशांत ठाकूर व परेश ठाकूर संस्कारी - वनमंत्री गणेश नाईक
भारतीय जनता युवा मोर्चा पनवेलतर्फे पनवेल विधानसभा मतदार संघात माजी खासदार लोकनेते रामशेठ ठाकूर, लोकप्रिय आमदार प्रशांत ठाकूर, आमदार महेश बालदी, भाजपचे जिल्हाध्यक्ष अविनाश कोळी, पनवेल महानगरपालिकेचे माजी सभागृहनेते परेश ठाकूर यांच्या नेतृत्वाखाली भव्य क्रीडा महोत्सव अर्थात नमो चषक २०२५ चे आयोजन करण्यात आले असून त्या अंतर्गत खारघर मधील सेक्टर १४ येथील जय हनुमान चेरोबा बापदेव मैदानावर भव्य टेनिस क्रिकेट स्पर्धा दिवस-रात्र या स्वरूपात आयोजित करण्यात आली आहे. या स्पर्धेचे उद्घाटन राज्याचे वनमंत्री गणेश नाईक यांच्या हस्ते आणि लोकनेते रामशेठ ठाकूर, आमदार प्रशांत ठाकूर यांच्या प्रमुख उपस्थितीत झाले. त्यावेळी नामदार गणेश नाईक बोलत होते.
यावेळी व्यासपीठावर भाजपचे जिल्हाध्यक्ष अविनाश कोळी, ज्येष्ठ नेते वाय. टी. देशमुख, नमो चषकचे मुख्य आयोजक व पनवेल महानगरपालिकेचे माजी सभागृह नेते परेश ठाकूर, माजी नगरसेवक हरेश केणी, स्थायी समितीचे माजी सभापती अमर पाटील, स्थायी समितीचे माजी सभापती स्पर्धा संयोजक प्रवीण पाटील, भाजपचे जिल्हा चिटणीस ब्रिजेश पटेल, माजी नगरसेवक नरेश ठाकूर, गुरुनाथ गायकर, निलेश बाविस्कर, संजय घरत, प्रवीण बेरा, युवा मोर्चाचे जिल्हाध्यक्ष मयुरेश नेतकर, पनवेल शहर अध्यक्ष सुमित झुंझारराव, किरण पाटील, आंबालाल पटेल, संतोष शर्मा, गौरव नाईक यांच्यासह स्पर्धा संयोजक भारतीय जनता पार्टी खारघर व प्रवीण स्पोर्टस वेल्फेअर असोसिएशनचे पदाधिकारी, क्रीडा रसिक उपस्थित होते.
लोकनेते रामशेठ ठाकूर यांनी दिलेली चौकट आमदार प्रशांत ठाकूर व परेश ठाकूर यांनी कधीही विसरली नाही. त्यामुळे हे सुपुत्र गुणी आहेत. पैसा डोक्यात येतो तेव्हा तो माणूस अधोगतीकडे जातो. रामशेठ ठाकूर आणि त्यांच्या दोन्ही मुलांच्या डोक्यात पैसा कधीच गेला नाही. त्यामुळे ते सर्व स्तरावर यशस्वी झाले आहेत. शुद्ध बीजापोटी फळे रसाळ गोमटी असतात त्याचप्रमाणे रामशेठ ठाकूर यांचे चांगले संस्कार असल्याने मुलेही संस्कारी आहेत. आमदार प्रशांत ठाकूर नेहमी विधायक कार्य करत असतात त्यामुळे त्यांच्या पाठीशी ताकदीने उभा असल्याचे त्यांनी नमूद केले. पंतप्रधान नरेंद्र मोदी यांच्या नावाने हा नमो चषक आयोजित करून खेळाडूंना पर्वणी मिळाली आहे. विशेष म्हणजे भव्य आयोजन असतानाही नियोजनात कुठलाही भपका नाही, असे सांगत या स्पर्धेचे कौतुक केले. यावेळी आमदार प्रशांत ठाकूर यांनी आपल्या भाषणातून गावांना आवश्यक मैदानाचा विषय मांडला होता. त्याचा धागा पकडून नामदार गणेश नाईक यांनी गावांकरिता आवश्यक असलेले भूखंड सिडकोकडून घेऊ असे आश्वासित केले. सिडको व्यापार नाही तर विकास करणारी संस्था आहे त्यामुळे त्यांनी विकासावर भर द्यावा असे सांगत यावेळी त्यांनी मैदानांचा संदर्भ घेत सिडकोच्या अधिकाऱ्यांवर ताशेरे ओढले. मी कधीही कुणाचा अवमान करत नाही पण सिडकोमध्ये काही अधिकारी लायकी नसलेले आणि भ्रष्ट असल्याचा घणाघात त्यांनी केला.
यावेळी आमदार प्रशांत ठाकूर यांनी आपल्या भाषणात नामदार गणेश नाईक यांनी नवी मुंबईच्या विकासासाठी केलेल्या कार्याचा आढावा घेत नवी मुंबईचे शिल्पकार असल्याचे अधोरेखित केले. मैदान गावांची अस्मिता आहेत त्यामुळे प्रत्येक गावाला किमान एक तरी मैदान असावा असा आग्रह आम्ही सिडकोकडे धरला आहे. आणि त्यासाठी नामदार गणेश नाईक यांचे पाठबळ मिळावे अशी अपेक्षा त्यांनी व्यक्त केली. स्पर्धाविषयी बोलताना खेळाडूंच्या कुलगुणांना वाव मिळावा यासाठी सतत अशा स्पर्धाचे आयोजन केले जात असून खेळ आणि खेळाडूंच्या विकासासाठी यापुढेही काम करत राहू असेही त्यांनी खेळाडूंना आश्वासित केले.
दिनांक ०६ ते ०९ फेब्रुवारी पर्यंत हि स्पर्धा होत असून या स्पर्धेतील विजेत्या संघाला १ लाख ११ हजार १११ रुपये, उपविजेत्यास ५५ हजार ५५५ रुपये तर तृतीय क्रमांकाच्या संघास ३३ हजार ३३३ रुपये तसेच मॅन ऑफ दि सिरीजला दुचाकी मोटारसायकल अशी भरघोस पारितोषिके असून दररोज प्रेक्षकांसाठी आयोजित करण्यात आलेल्या लकी ड्रॉ मध्ये एक दुचाकी सायकलसुद्धा बक्षीस म्हणून देण्यात येणार आहे. या स्पर्धेत कानपोली, दापोली, मुर्बी, पेठ, बामणडोंगरी, कुंडेवहाळ, कामोठे, ओवळे, बापदेव पोदी, भैरवनाथ विचुंबे, स्व. महादेव पेठाली, अथर्व इलेव्हन घोट, गावदेवी भातानपाडा, हिमांशू वळवली, मंगलमूर्ती घरकुल, जय हनुमान नावडे, यंगस्टार वहाळ, जिवा इलेव्हन पेंधर, धाकटा खांदा, शनिकृपा कोपरा, शिवशक्ती खारघर, श्रीराम शिरढोण, उलवा आणि ओम साई भंगारपाडा या नामवंत खेळाडूंचा भरणा असलेल्या २४ संघांचा सहभाग आहे.
