डॉ. नानासाहेब धर्माधिकारी प्रतिष्ठानमार्फत आयोजित शिबीरात १ हजार १७७ जणांचे रक्तदान
नवीन पनवेल : डॉ. श्री. नानासाहेब धर्माधिकारी प्रतिष्ठानमार्फत रेवदंडा यांच्या वतीने पदमश्री डॉ. श्री दत्तात्रेय नारायण तथा अप्पासाहेब धर्माधिकारी यांच्या वाढदिवसानिमित्त तीर्थरूप डॉ. सचिन धर्माधिकारी यांच्या मार्गदर्शनाखाली पनवेल येथील विरुपाक्ष सभागृहामध्ये सोमवारी रक्तदान शिबिराचे आयोजन करण्यात आले होते. या वेळी ११७७ रक्तदात्यांनी रक्तदान केले.
डॉ. श्री. नानासाहेब धर्माधिकारी प्रतिष्ठानमार्फत घेण्यात आलेल्या रक्तदान शिबीर कार्यक्रमामध्ये श्रीसदस्य मोठ्या संख्येने उपस्थित होते. आज सर्वत्र रक्ताची गरज भासत आहे अनेकांनी रक्त न मिळाल्याने आपले प्राण गमावले आहे. त्यामुळे रक्ताची भासत असलेली गरज दूर करण्यासाठी पद्मश्री आप्पासाहेब धर्माधिकारी यांच्या वाढदिवसानिमित्ताने डॉ. श्री. डॉ. नानासाहेब धर्माधिकारी प्रतिष्ठान यांच्यामार्फत रक्तदान शिबिर राबविण्यात आले. शिबिरामध्ये रक्तदान करण्यासाठी दास भक्तांनी सकाळ पासूनच शिस्तबद्ध पद्धतीने आपला सहभाग घेतला होता. या अगोदरही प्रतिष्ठानमार्फत भव्य रक्तदान शिबिर, आरोग्य शिबीर, स्वच्छता मोहीम, वृक्ष लागवड, वृक्ष संवर्धन मोहीम राबविण्यात आली आहे. या वेळी माजी खासदार लोकनेते रामशेठ ठाकूर, आमदार प्रशांत ठाकूर, आमदार बाळाराम पाटील, महापौर डॉ. कविता चौतमोल, आयुक्त गणेश देशमुख, उपमहापौर सीता पाटील, जेष्ठ नेते बाळासाहेब पाटील, शिवसेनेचे संपर्कप्रमुख बबन पाटील, नगरसेवक अॅड. मनोज भुजबळ, नगरसेवक राजू सोनी, सभापती अॅड. वृषाली वाघमारे, नगरसेविका रूचिता लोंढे, डॉ. ययाती गांधी, त्याचबरोबर डी. वाय. पाटील, एम. जी. एम., तेरणा हॉस्पिटल डॉक्टर व त्यांचे सहकारी श्री सदस्य यावेळी उपस्थित होते.
