खारघर सेक्टर-१५ येथे शेकापच्या वतीने संविधान गौरव दिन साजरा
खारघर/प्रतिनिधी,दि.२-खारघरमधील सेक्टर १५ स्थित घरकुल कॉम्प्लेक्स गार्डन प्रवेशद्वारावरती शुक्रवार दिनांक २९ नोव्हेंबर रोजी सायंकाळी ७ ते ९ या वेळेत संविधान गौरव दिन मोठ्या उत्साहात साजरा करण्यात आला.
या कार्यक्रमासाठी शेतकरी कामगार पक्षाचे जेष्ठ नेते आणि माजी आमदार सन्माननीय बाळाराम पाटील हे अध्यक्ष म्हणून उपस्थित होते तर प्रमुख पाहुणे म्हणून मुंबई उच्च न्यायालयाचे संविधान विश्लेषक ऍडव्होकेट रोशन पाटील यांचे मार्गदर्शन लाभले.
या कार्यक्रमाचे आयोजन आणि नियोजन तक्षशिला बौद्ध सेवा मंडळ, घरकुल सेक्टर१५,बौद्धजन पंचायत समिती शाखा-७५१,भारतीय बौद्ध महासंघ,खारघर आणि घरकुल मित्रमंडळ खारघर तसेच सेक्टर-१५ मधील जागरूक नागरिकांच्या संयुक्त विद्यमाने करण्यात आले होते.
हा कार्यक्रम यशस्वी करण्यासाठी येथील माजी ग्रामपंचायत सदस्य सन्माननीय अशोकजी गिरमकर,प्रवीण कदम,महेंद्र सोनवणे,अशोक कोळसुलकर,सुरेश वाघमारे व श्री.ढंगारे यांनी परिश्रम घेतले.
