दिवाळी निमित्त वाढलेल्या रहदारीवर नियंत्रणासाठी विरोधी पक्षनेते प्रितम म्हात्रे यांची मागणी
पनवेल, दि. १७ ऑक्टोबर २०२५ –
दिवाळी सणाच्या पार्श्वभूमीवर पनवेल शहरात वाढलेल्या वाहतूक कोंडी आणि गर्दीच्या पार्श्वभूमीवर, नागरिकांच्या सोयीसाठी आणि सुरक्षिततेसाठी तात्काळ उपाययोजना करण्याची मागणी पनवेल महानगरपालिकेचे विरोधी पक्षनेते प्रितम जनार्दन म्हात्रे यांनी केली आहे.
प्रितम म्हात्रे यांनी यासंदर्भात पनवेल शहर वाहतूक शाखा तसेच पनवेल महानगरपालिका आयुक्त यांना स्वतंत्र पत्राद्वारे खालील सूचना दिल्या आहेत:
१️⃣ दिवाळीच्या कालावधीत सकाळी ९.०० ते रात्री ९.०० या वेळेत सर्व प्रमुख चौकांवर महापालिकेचे सुरक्षा रक्षक तैनात करावेत.
२️⃣ वाहतूक नियंत्रणासाठी वाहतूक शाखेचे अधिकारी व कर्मचारी पुरेशा संख्येने नियुक्त करून नागरिकांना योग्य मार्गदर्शन करावे.
३️⃣ गर्दीच्या ठिकाणी वाहनांसाठी शिस्तबद्ध पार्किंगची व्यवस्था करावी.
शहरात दिवाळी सणाच्या पार्श्वभूमीवर ग्रामीण भागातून आणि रायगड जिल्ह्यातील विविध ठिकाणांहून मोठ्या प्रमाणात नागरिक खरेदीसाठी येत असल्याने प्रमुख चौकांमध्ये तीव्र वाहतूक कोंडी होत आहे. यामुळे नागरिकांना त्रास होत असून अपघात किंवा अनुचित प्रकार घडण्याची शक्यता देखील वाढली आहे, असे म्हात्रे यांनी पत्रात नमूद केले आहे.
कोट
“नागरिकांची दिवाळी शांततेत, सुरक्षिततेत आणि उत्साहात साजरी व्हावी, हे प्रशासनाचे कर्तव्य आहे. त्यामुळे तातडीने कार्यवाही करून वाहतूक नियंत्रण व गर्दी व्यवस्थापनाची प्रभावी अंमलबजावणी करावी,” अशी मागणी मी केली आहे
प्रितम जनार्दन म्हात्रे
मा. विरोधी पक्षनेते, पनवेल महानगरपालिका
