घरोघरी तिरंगा - हर घर तिरंगा मोहिमेअंतर्गत पनवेल पालिकेच्या सर्व शाळांमध्ये रांगोळी स्पर्धेचे आयोजन
पनवेल ,दि.१३: पनवेल महापालिकेमार्फत आयुक्त तथा प्रशासक श्री मंगेश चितळे यांच्या मार्गदर्शनाखाली घरोघरी तिरंगा- हर घर तिरंगा मोहीम 15 ऑगस्ट पर्यंत विविध उपक्रमाच्या माध्यमातून मोठ्या उत्साहात राबवली जात आहे. याच मोहिमेचा एक भाग म्हणून शिक्षण अधिकारी रमेश चव्हाण यांच्या मार्गदर्शनानुसार व नियोजनानुसार पनवेल महानगरपालिकेच्या सर्व शाळांमध्ये आज दिनांक 13 ऑगस्ट 2025 रोजी सकाळी ठीक आठ वाजता ध्वजारोहण करण्यात आले.
तसेच सर्व शाळांमध्ये रांगोळी स्पर्धा घेण्यात आल्या. स्वातंत्र्य दिनावर आधारित रांगोळी स्पर्धेमध्ये इयत्ता पहिली ते आठवी च्या विद्यार्थ्यांनी सहभाग नोंदवून पानाफुलांचा व रांगोळीचा वापर करून रांगोळ्या काढल्या प्रत्येक शाळेतून प्रत्येक वर्गातून रांगोळी स्पर्धेतून व चित्रकला स्पर्धेतून प्रथम, द्वितीय व तृतीय असे तीन क्रमांक काढण्यात आले .सदर कार्यक्रमाचे यशस्वी आयोजन केल्याबद्दल शिक्षणाधिकारी रमेश चव्हाण यांनी सांस्कृतिक विभाग समिती ,सर्व मुख्याध्यापक ,शिक्षक वृंद व विद्यार्थ्यांचे कौतुक केले.
